മൂന്നാം ഏകദിനത്തിൽ ഈ ഇംഗ്ലണ്ട് താരം കളിക്കുന്നതിൽ സംശയം

ലണ്ടൻ: ഇംഗ്ലണ്ട് ഓപ്പണിംഗ് ബാറ്റ്സ്മാന്‍ ജേസണ്‍ റോയ് ഇന്ത്യയ്ക്കെതിരെയുള്ള മൂന്നാം ഏകദിനത്തില്‍ കളിക്കുന്ന കാര്യം സംശയത്തിൽ. കൈയ്ക്ക് കാര്യമായ മുറിവേറ്റിട്ടുണ്ടെന്നാണ് ഇംഗ്ലണ്ട് ക്യാമ്പിൽ നിന്ന് ലഭിക്കുന്ന റിപോർട്ടുകൾ. നേരത്തെ ഇംഗ്ലണ്ട് താരം ഹെയ്ൽസിനും പരിക്കുമൂലം ടീമിൽ നിന്ന് പുറത്ത് പോകേണ്ടി വന്നിരുന്നു. ഈ സാഹചര്യത്തിൽ റോയ് കൂടി കളിക്കുന്നില്ലെങ്കിൽ ഇംഗ്ലീഷ് വിക്കറ്റ് കീപ്പർ ജോസ് ബട്ലർ ആകും അടുത്ത ഏകദിനത്തിൽ ഇംഗ്ലണ്ടിന് വേണ്ടി ബാറ്റിംഗ് ഓപ്പൺ ചെയ്യുക.