ഈ തീരുമാനം വളരെ ആലോചിച്ച്‌ എടുത്തതാണെന്ന് റൊണാള്‍ഡോ

ട്യൂറിൻ: യുവന്റസിലേക്കുള്ള വരവിൽ കരാർ സംബന്ധിച്ച ഔദ്യോഗിക നടപടികള്‍ ക്രിസ്റ്റ്യാനോ റൊണാള്‍ഡോ പൂര്‍ത്തിയാക്കി. ഇന്ന് യുവന്റസിന്റെ ഹെഡ്ക്വാർട്ടേഴ്സിൽ എത്തിയ റൊണാൾഡോ ഔദ്യോഗിക നടപടികൾക്ക് ശേഷം യുവന്റസിന് വിളിച്ച് ചേർത്ത പത്രസമ്മളനത്തിലും പങ്കെടുത്തു. യുവന്റസിൽ എത്തിയതിൽ സന്തോഷം ഉണ്ടെന്നും ലോകത്തെ തന്നെ മികച്ച ക്ലബുകളില്‍ ഒന്നാണ് ഇതെന്നും അദ്ദേഹം പറഞ്ഞു. റയൽ മാഡ്രിഡിൽ നിന്നും യുവന്റസിലേയ്ക്ക് വരാനുള്ള തീരുമാനം താൻ വളരെയേറെ ആലോചിച്ചെടുത്തതാണെന്നും അദ്ദേഹം കൂട്ടിച്ചേർത്തു.

Also Read: ഈ സ്പാനിഷ് സൂപ്പർ താരം ഇനി അത്‌ലറ്റികോ ഡി കൊൽക്കത്തയ്ക്ക് വേണ്ടി ബൂട്ട് കെട്ടും

എന്നും വെല്ലുവിളികൾ നിറഞ്ഞതാണ് തന്റെ ജീവിതമെന്നും സ്പോർട്ടിങ്ങിൽ നിന്ന് മാഞ്ചസ്റ്ററിൽ എത്തിയപ്പോഴും പിന്നീട് അവിടുന്ന് റയലിൽ വന്നപ്പോഴും നേരിട്ട അതേ വെല്ലുവിളി തന്നെയാണ് താൻ ഇപ്പൊൾ യുവന്റസിലേക്ക് വന്നപ്പോഴും അഭിമുഖീകരിക്കുന്നതെന്നും അദ്ദേഹം പറഞ്ഞു. ഇറ്റലിയിലെ ഏറ്റവും മികച്ച ക്ലബ് ആണ് യുവെന്റ്‌സെന്നും അതിനെ ഇനിയും മികച്ചതാക്കാൻ തനിക്ക് കഴിയുമെന്നും റൊണാൾഡോ പത്രസമ്മേളനത്തിൽ പറഞ്ഞു.