ഹിങ്കോലി: മഹാരാഷ്ട്രയില്‍ സ്കൂളിലെ അടുക്കളയില്‍ ഉഗ്രവിഷമുള്ള 60 ഒാളം അണലികളെ കണ്ടെത്തി. ഹിങ്കോലിയിലെ പന്‍ഗ്ര ബൊഖറെ ഗ്രാമത്തില്‍ സില്ല പരിഷത്ത് സ്കൂളിന്റെ അടുക്കളയിലാണ് ഇന്നലെ ഉഗ്ര വിഷമുള്ള പാമ്പുകളെ കണ്ടെത്തിയത്.
Read Also: ജി.എന്‍.പി.സി അഡ്മിന്‍മാരില്‍ പൊലീസുകാരുമുണ്ടെന്ന് സൂചന
ഭക്ഷണം പാകം ചെയ്യുന്നതിനുള്ള വിറകുകള്‍ സൂക്ഷിച്ചിരുന്ന സ്ഥലത്താണ് അണലികള്‍ ഉണ്ടായിരുന്നത്. സ്കൂളിലെ പാചകക്കാരി വിറകെടുക്കാനായി പോയപ്പോൾ രണ്ട് അണലികൾ ഇവരുടെ ശ്രദ്ധയിൽപ്പെട്ടു. തുടര്‍ന്നുള്ള പരിശോധനയിലാണ് കൂടുതല്‍ പാമ്പുകളെ കണ്ടെത്തിയത്. ഇതേതുടർന്ന് പ്രധാനാധ്യാപകന്‍ പാമ്പ് പിടുത്തക്കാരെ വിവരമറിയിക്കുകയായിരുന്നു. പാമ്പുകളെ പിന്നീട് വനം വകുപ്പിന് കൈമാറി.
Post Your Comments