അബുദാബിയിൽ നിന്നും നാട്ടിലേക്കയച്ച മൃതദേഹം മാറി; ലഭിച്ചത് ചെന്നൈ സ്വദേശിയുടെ മൃതദേഹം

വയനാട്: അബുദാബിയിൽ വെച്ച് മരിച്ച വയനാട് സ്വദേശിയുടെ മൃതദേഹത്തിന് പകരം നാട്ടിലെത്തിയത് ചെന്നൈ സ്വദേശിയുടെ മൃതദേഹം. അമ്പലവയൽ തായ്​കൊല്ലി ഒതയോത്ത്​ നരിക്കുണ്ട് അഴീക്കോടന്‍ ഹരിദാസന്റെ മകന്‍ നിഥി​ന്റെ (30) മൃതദേഹത്തിന് പകരമാണ് ചെന്നൈ സ്വദേശിയുടെ മൃതദേഹം എത്തിയത്.

Read Also: ആംബുലൻസ് ലഭിച്ചില്ല; അമ്മയുടെ മൃതദേഹം മകൻ ആശുപത്രിയിൽ എത്തിച്ച് മോട്ടോർസൈക്കിളിൽ

ഇന്ന്​ രാവിലെ കരിപ്പൂര്‍ വിമാനത്താവളത്തിലെത്തിയ മൃതദേഹം അമ്പലവയൽ സർക്കാർ ആശുപത്രിയിലേക്ക് മാറ്റിയിരുന്നു. പിന്നീടാണ് മൃതദേഹം മാറിയതായി വിവരം ലഭിച്ചത്. നിഥിന്റെ മൃതദേഹം ബംഗളൂരു വിമാനത്താവളത്തിലെത്തിക്കുകയും അവിടെ നിന്ന്​ മൈസൂരുവിലെത്തിച്ച ശേഷം ചെന്നൈ സ്വദേശിയുടെ മൃതദേഹവും അവിടെയെത്തിക്കാനാണ് തീരുമാനം.