കമ്പി വയർ തുളച്ച് കയറി പുറത്തെത്തി; ഒടുവിൽ യുവാവിന് അത്ഭുതകരമായ രക്ഷപെടൽ

അമേരിക്ക: 18കിലോഗ്രാം ഭാരമുള്ള കമ്പി വയറിൽ തുളച്ചുകയറിയ യുവാവ് ഒടുവിൽ അത്ഭുതകരമായി രക്ഷപെട്ടു. മതില്‍ പണിത് കൊണ്ടിരിക്കവെ 43 കാരനായ ജസ്റ്റിന്റെ ശരീരത്തിലൂടെയാണ് അടുത്തുള്ള മെഷീനില്‍ നിന്നും തെറിച്ച കമ്പി പുറത്തുകൂടെ കയറി വയർ തുളച്ച് പുറത്തുവന്നത്. എന്നാൽ ബ്ലാഡറും, കിഡ്‌നിയും ബന്ധപ്പെടുന്ന ഹൃദയരക്ത ധമനിയും, നട്ടെല്ലും, സുപ്രധാന ധമനികളിലും തൊടാതെയാണ് കമ്പി കടന്നുപോയത്.

Read Also: വാഷിംഗ് മെഷീന്‍ പൊട്ടിത്തറിച്ചു : വീട് അഗ്നി ഗോളമായി മാറി : വീട്ടമ്മ അത്ഭുതകരമായി രക്ഷപ്പെട്ടു

മെഷീനില്‍ നിന്നും പൂര്‍ണ്ണമായി വേര്‍പ്പെടാത്ത ലോഹഭാഗം മുറിച്ചാണ് ജസ്റ്റിനെ ആശുപത്രിയിൽ കൊണ്ടുവന്നത്. നാല് മണിക്കൂര്‍ നീണ്ട ഓപ്പറേഷനൊടുവിലാണ് കമ്പി പുറത്തെടുത്തത്. എന്തായാലും അത്ഭുതകരമായ ഈ രക്ഷപെടലിന് ദൈവത്തോട് നന്ദി പറയുകയാണ് ജസ്റ്റിൻ.