തന്റെ ജേഴ്സി നമ്പറായ ഏഴ് റൊണാൾഡോയ്ക്ക് വിട്ട് കൊടുത്ത് യുവന്റസ് താരം

ട്യൂറിൻ: യുവന്റസില്‍ റൊണാള്‍ഡോ എത്തുമ്പോൾ ജേഴ്സി നമ്പർ ഏഴ് തന്നെ അണിയും എന്ന് ഏറെക്കുറെ ഉറപ്പായിരുന്നു. CR7 എന്ന ചുരുക്കപ്പേരിൽ അറിയപ്പെടുന്ന റൊണാള്‍ഡോ മുൻപ് റയല്‍ മാഡ്രിഡിലും മാഞ്ചസ്റ്റര്‍ യുണൈറ്റഡിലും കളിച്ചിരുന്നപ്പോഴും ഏഴാം നമ്പറായിരുന്നു ധരിച്ചിരുന്നത്. യുവന്റസില്‍ റൊണാള്‍ഡോ എത്തിയതോടു കൂടി വെട്ടിലായത് യുവന്റസിന്റെ കൊളംബിയന്‍ വിങ്ങറായ കൊഡ്രാഡോയാണ്. ഇതിന് മുൻപ് കൊഡ്രാഡോ ആയിരുന്നു യുവന്റസില്‍ ഏഴാം നമ്പർ ജേഴ്സി ധരിച്ചിരുന്നത്.

Also Read: ഹൃദയം കീഴടക്കി റോണോ: ചെങ്കോലും കിരീടവും റൊണാള്‍ഡോയ്ക്ക് നല്‍കി സോഷ്യല്‍ മീഡിയ

ഈ വർഷം പ്രീ സീസണായി ജേഴ്സി എത്തിയപ്പോള്‍ കൊഡ്രാഡോയുടെ നമ്പർ 16 ആയിരുന്നു. അപ്പോള്‍ മുതൽ ഏഴാം നമ്പറിൽ റൊണാള്‍ഡോ യുവന്റസിലേയ്ക്ക് വന്നേക്കുമെന്നുള്ള അഭ്യുഹങ്ങൾ പരന്നിരുന്നു. ജേഴ്സി നമ്പർ ഏഴ് കൈമാറിയതിനെ കുറിച്ച്‌ കൊഡ്രാഡോ തന്നെ ഇന്നലെ തന്റെ ട്വിറ്റർ അക്കൗണ്ടിലൂടെ പ്രതികരിക്കുകയുണ്ടായി. റൊണാള്‍ഡോയുടെ നമ്പർ ഏഴ് ജേഴ്സി പിടിച്ച്‌ കൊണ്ടുള്ള ഫോട്ടോയടക്കം സോഷ്യല്‍ മീഡിയയില്‍ താരം പങ്കുവെക്കുകയുണ്ടായി.