മകളെക്കുറിച്ച്​ രണ്ടാഴ്​ച കഴിഞ്ഞിട്ടും വിവരമില്ല; ആശങ്കയോടെ കുടുംബം

കോട്ടക്കൽ: രണ്ടാഴ്ച കഴിഞ്ഞിട്ടും കാണാതായ മകളെക്കുറിച്ച് വിവരമില്ലാത്തതിനാൽ കുടുംബം ആശങ്കയിൽ. എടരിക്കോട്​ ചുടലപ്പാറ കുറുകപ്പറമ്പിൽ നാരായണ​ന്റെ മകൾ ആതിരയെയാണ് കാണാതായത്. ഡിഗ്രിക്ക്​ അപേക്ഷിക്കാനായി ജൂൺ 27നാണ് ആതിര വീടുവിട്ടിറങ്ങിയത്​. തുടർന്ന് വീട്ടിലെത്തിയ ശേഷം സർട്ടിഫിക്കറ്റുകളും ​ആധാർ കാർഡുമടക്കം എടുത്ത്​ സ്​കൂൾ ബാഗുമായി വീണ്ടും പോകുകയായിരുന്നു.

Read Also: കാണാതായ 19 കാരനും 15 കാരനും പൊലീസിന്റെ വലയില്‍ : ചോദ്യം ചെയ്യലിനിടെ ഇരുവരും കുഴഞ്ഞുവീണു

സിസിടിവി ദൃശ്യങ്ങളിൽ നിന്ന് രാവിലെ കോട്ടക്കൽ ടൗണിലും ഉച്ചക്ക്​ 1.15ന്​ ഗുരുവായൂർ കെ.എസ്​.ആർ.ടി.സി ബസ്​സ്​റ്റാൻഡിലും ആതിര പോയതായി കണ്ടെത്തുകയുണ്ടായി. പിറ്റേന്ന്​ വൈകീട്ട്​ തൃശൂർ റെയിൽവേ സ്​റ്റേഷനിലും വൈകീട്ട്​ 7.30 മുതൽ രാത്രി 12.30 വരെ സ്​റ്റേഷനിൽ സ്​ത്രീകളുടെ വെയ്​റ്റിങ്​ റൂമിൽ ഇരുന്നതായും വിവരം ലഭിച്ചു. ശുചീകരണ തൊഴിലാളികൾ തിരക്കിയപ്പോൾ ജ്യേഷ്​ഠൻ വരാനു​ണ്ടെന്നാണ് പറഞ്ഞത്. അതേസമയം 27ന്​ ഉച്ചക്ക്​ 1.15ന്​ ഗുരുവായൂരിൽനിന്നും 28ന്​ വൈകീട്ട്​ 7.20ന്​ തൃശൂരിലെ എസ്​.ടി.ഡി ബൂത്തിൽനിന്നും സഹോദര​​െൻറ കൈവശമുള്ള ഒരു നമ്പറിലേക്ക്​ ആതിര വിളിച്ചിരുന്നു. സിം ഉൗരിവെച്ചതിനാൽ കാൾ ലഭിച്ചിരുന്നില്ല. മകളെ കണ്ടെത്തണമെന്നാവശ്യപ്പെട്ട്​ പിതാവ് ഹൈക്കോടതിയിൽ ഹേബിയസ് കോർപ്പസ് ഹർജി നൽകിയിരിക്കുകയാണ്.