ലോകത്തിന് മുന്നിൽ നമ്മള്‍ ആരാണെന്ന് കാണിച്ചു കൊടുക്കാനുള്ള സമയമാണിത്; ബ്ലാസ്റ്റേഴ്സിനൊപ്പം അണിനിരക്കാൻ സച്ചിൻ

കൊച്ചി: കേരള ബ്ലാസ്റ്റേഴ്സിനൊപ്പം സ്പാനിഷ് ക്ലബ് ജിറോണ എഫ്സി, ഓസ്ട്രേലിയൻ എ ലീഗ് ടീം മെൽബൺ സിറ്റി എഫ്സി എന്നിവര്‍ അണിനിരക്കുന്ന ടൊയോട്ട യാരിസ് ലാലിഗ വേൾഡിന് തുടക്കം കുറിക്കാനിരിക്കെ ബ്ലാസ്റ്റേഴ്സിനൊപ്പം അണിനിരക്കാൻ സച്ചിൻ ടെണ്ടുൽക്കരിന്റെ ആഹ്വാനം. ടൊയോട്ട യാരിസ് ലാലിഗ വേൾഡിന് ജൂലൈ 24നാണ് തുടക്കമാകുന്നത്. അഞ്ചു ദിവസം മാത്രം നീളുന്ന ടൂർണമെന്‍റിലെ ആദ്യ മൽസരത്തിൽ 24നു ബ്ലാസ്റ്റേഴ്സും മെൽബൺ സിറ്റി എഫ്സിയും തമ്മില്‍ മാറ്റുരയ്ക്കും.

Read Also: അടുത്ത മത്സരത്തിൽ കേരള ബ്ലാസ്റ്റേഴ്സിന്റെ ഭാഗമാകുമോ? അഭ്യൂഹങ്ങൾക്ക് മറുപടിയുമായി ഇയാൻ ഹ്യൂം

ലോകത്തിന് മുന്നില്‍ ഒത്തുചേര്‍ന്ന് നമ്മള്‍ ആരാണെന്ന് കാണിച്ചു കൊടുക്കാനുള്ള സമയമാണിത്. ബ്ലാസ്റ്റേഴ്സിനൊപ്പം ചേര്‍ന്നു നില്‍ക്കേണ്ട സമയമാണിത്. അതുകൊണ്ടുതന്നെ ഫുട്ബോളിനെ പിന്തുണയ്ക്കണം എന്നാണ് കേരള ബ്ലാസ്റ്റേഴ്‌സ് ട്വിറ്ററിൽ പോസ്റ്റ് ചെയ്‌ത വീഡിയോയിലൂടെ സച്ചിൻ വ്യക്തമാക്കുന്നത്.