പത്തനാപുരം: കല്ലടയാറ്റിൽ ചാടി ആത്മഹത്യ ചെയ്‌ത 21കാരിയുടെ മൃതദേഹം കണ്ടെത്തി പത്തനാപുരം വാഴപ്പാറ സ്വദേശി ലേഖയുടെ മൃതദേഹമാണ് കണ്ടെത്തിയത്. പെൺകുട്ടിയെ കാണാതായതിനെ തുടർന്ന് മാതാപിതാക്കൾ ഞായറാഴ്ച പത്തനാപുരം പോലീസില്‍ പരാതി നല്‍കിയിരുന്നു.
ALSO READ: ഭീഷണിയുമായി വീട്ടമ്മ; വീട് ജപ്തി ചെയ്താല്‍ കുടുംബം ആത്മഹത്യ ചെയ്യും
പെൺകുട്ടി ശനിയാഴ്ച ഉച്ചയ്ക്ക് 12.15-ന് പിടവൂര്‍ ജങ്ഷനില്‍ ബസിറങ്ങി സമീപത്തെ ക്ഷേത്രത്തില്‍ തൊഴുതശേഷം പാലത്തെ ലക്ഷ്യമാക്കി പോകുന്നത് പരിസരത്തെ സി.സി.ടി.വിയിൽ പതിഞ്ഞിരുന്നു. ദൃശ്യങ്ങളിൽ കണ്ടത് കാണാതായ പെൺകുട്ടി ആയിരുന്നെന്ന് പോലീസ് മുന്നേ സ്ഥിരീകരിച്ചിരുന്നു. പെണ്‍കുട്ടി ആറ്റില്‍ ചാടിയതായി ദൃക്സാക്ഷികള്‍ പറഞ്ഞസമയവും സി.സി.ടി.വി. ദൃശ്യത്തിലെ സമയവും പൊരുത്തപ്പെടുന്നതായും പോലീസ് അറിയിച്ചിരുന്നു. അഗ്നിശമനസേനയുടെ മൂന്നു യൂണിറ്റുകള്‍ ചേര്‍ന്ന് നടത്തിയ തിരച്ചിലിലാണ് പെൺകുട്ടിയുടെ മൃതദേഹം കണ്ടെത്തിയത്.
Post Your Comments