ഇന്‍ഡോര്‍•യാത്രക്കാരന് ഹൃദയാഘാതം ഉണ്ടായതിനെത്തുടര്‍ന്ന് ഒരു ഇന്‍ഡിഗോ എയര്‍ലൈന്‍സ് വിമാനം മധ്യപ്രദേശിലെ ഇന്‍ഡോറില്‍ അടിയന്തിരമായി നിലത്തിറക്കി. ഞായറാഴ്ച രാവിലെ ന്യൂഡല്‍ഹി ഇന്ദിരാഗാന്ധി അന്താരാഷ്ട്ര വിമാനത്താവളത്തില്‍ നിന്ന് പറന്നുയര്‍ന്ന വിമാനമാണ് നിലത്തിറക്കിയത്.
രാവിലെ 9.30 ഓടെയാണ് 6E769 വിമാനം അടിയന്തിരമായി നിലത്തിറക്കിയതെന്ന് ദേവി അഹില്യാഭായി ഹോല്‍ക്കര്‍ വിമാനത്താവള ഡയറക്ടര്‍ ആര്യമാ സന്യാല്‍ പറഞ്ഞു.
യാത്രക്കാരനെ ആശുപത്രിയിലേക്ക് മാറ്റി. ഇയാളുടെ നില ഇപ്പോള്‍ തൃപ്തികരമാണെന്നാണ് ആശുപത്രിയില്‍ നിന്നുള്ള റിപ്പോര്‍ട്ട്‌.
Post Your Comments