ശ്രീനഗര്‍: ജമ്മു കശ്മീരിലെ ഷോപിയാനില്‍ നിന്ന് കഴിഞ്ഞ ദിവസം തീവ്രവാദികള്‍ തട്ടിക്കൊണ്ടുപോയ പൊലീസ് കോണ്‍സ്റ്റബിളിെന കൊല്ലപ്പെട്ട നിലയില്‍ കണ്ടെത്തി. ഷോപിയാനിലെ ദന്‍ഗമില്‍ വെടികൊണ്ട് മുറിവേറ്റ നിലയില്‍ ഇന്ന് രാവിലെയാണ് മൃതദേഹം കണ്ടെത്തിയത്. പൊലീസ് കോണ്‍സ്റ്റബിള്‍ ജാവേദ് അഹമ്മദ് ദറിനെയാണ് തട്ടിക്കൊണ്ടു പോയി കൊലപ്പെടുത്തിയത്.
ഷോപ്പിയാനിലെ ഒരു മെഡിക്കല്‍ സ്റ്റോറില്‍ നില്‍ക്കുകയായിരുന്ന ഇദ്ദേഹത്തെ ഒരു സംഘം പിടിച്ചു കൊണ്ടു പോവുകയായിരുന്നു. ഏപ്രിലില്‍ അഞ്ച് തീവ്രവാദികളെ സുരക്ഷാ സൈന്യം കൊലപ്പെടുത്തിയത് ഇൗ ഗ്രാമത്തില്‍ വെച്ചായിരുന്നു. പ്രദേശത്ത് ശക്തമായ തെരച്ചില്‍ നടത്തിയെങ്കിലും കോണ്‍സ്റ്റബിളിനെ കണ്ടെത്താനായിരുന്നില്ല.
Post Your Comments