ഓഫറുകൾ പുതുക്കി ഐഡിയ രംഗത്ത്; ഓഫർ വിവരങ്ങൾ ഇങ്ങനെ

ടെലികോം കമ്പനികൾ തമ്മിലുള്ള മത്സരം കനക്കുന്നതിനിടെ ഓഫറുകൾ പുതുക്കി ഐഡിയ രംഗത്ത്. ഐഡിയയുടെ 199 രൂപയുടെ പ്ലാന്‍ പുതുക്കിയിട്ടുണ്ടെന്നാണ് ടെലികോം ടോക്ക് റിപ്പോർട്ട് ചെയ്യുന്നത്. മുൻപ് ഈ പ്ലാനിൽ പ്രതിദിനം 1.4ജിബി ഡേറ്റയായിരുന്നു നൽകിവന്നിരുന്നത്. ഇതിപ്പോൾ 2 ജിബി ഡേറ്റയായി ഉയർത്തിയിരിക്കുകയാണ്. ഡേറ്റ ഓഫര്‍ കൂടാതെ അണ്‍ലിമിറ്റഡ് വോയിസ് കോള്‍, പ്രതി ദിനം 100എസ്‌എംഎസ് എന്നിവയും ലഭിക്കും.

Read Also: തകർപ്പൻ പ്ലാനുകളുമായി ഐഡിയ

അതേസമയം തിരഞ്ഞെടുത്ത ഉപയോക്താക്കള്‍ക്കു മാത്രമാണ് ഈ ഓഫർ ലഭിക്കുന്നതെന്നാണ് സൂചന. ഐഡിയയുടെ 199 രൂപ പ്രീപെയ്ഡ് പ്ലാനിന് അര്‍ഹരാണോ എന്നറിയാന്‍ ‘മൈ ഐഡിയ ആപ്പ്’ ഓപ്പൺ ചെയ്യുകയോ കമ്പനിയുടെ വെബ്‌സൈറ്റ് സന്ദര്‍ശിക്കുകയോ ചെയ്യാവുന്നതാണ്.