മാഡ്രിഡ്: അത്‌ലറ്റിക്കോ മാഡ്രിഡിന്റെ മികച്ച താരങ്ങളിലൊരാളും ക്യാപ്റ്റനുമായ ഗാബി ഫെർണാണ്ടസ് ക്ളബ്ബിനോട് വിട പറയുന്നു. ഖത്തര്‍ ക്ലബായ അല്‍ സാദ് ആണ് ഗാബിയെ സ്വന്തമാക്കിയിരിക്കുന്നത്. ഗാബി ക്ളബ്ബ് വിട്ടു ഖത്തറിൽ എത്തുമെന്ന് നേരത്തെ തന്നെ അത്‌ലറ്റിക്കോ മാഡ്രിഡ് വ്യക്തമാക്കിയിരുന്നു എങ്കിലും കഴിഞ്ഞ ദിവസമാണ് അൽ സാദുമായി ഗാബി കരാര്‍ ഒപ്പിട്ടത്‌. രണ്ട് വര്‍ഷത്തേക്കാണ് ഗാബിയുടെ കരാര്‍.
Read also:ബെംഗലുരു മുതല്‍ ദ്രാസ് വരെ; ‘ശ്വേത് അശ്വ’ യാത്ര തുടങ്ങി
അത്‌ലറ്റിക്കോ മാഡ്രിഡിന്റെ ക്യാപ്റ്റനായിരുന്ന ഗാബി അവർക്കായി 417 മത്സരങ്ങള്‍ കളിച്ചിട്ടുണ്ട്. അത്‌ലറ്റിക്കോ മാഡ്രിഡ് ക്ലബിന്റെ ക്യാപ്റ്റനായി 6 കിരീടങ്ങളും ഗാബി ഉയര്‍ത്തിയിരുന്നു. 2012-13 സീസണ്‍ മുതല്‍ അത്‌ലറ്റിക്കോ മാഡ്രിഡിന്റെ ക്യാപ്റ്റനാണ് താരം. ഇന്ന് വൈകുന്നേരം 5 മണിക്ക് മാധ്യമങ്ങൾക്കു കൊടുക്കുന്ന അഭിമുഖത്തിൽ ഗാബി വിടവാങ്ങലിനെ കുറിച്ച്‌ ഔദ്യോഗികമായി പ്രഖ്യാപിക്കും.
Post Your Comments