മുംബൈയിൽ തകർന്നു വീണത് പറക്കാൻ യോഗ്യമല്ലാത്ത വിമാനം; ഞെട്ടിക്കുന്ന വിവരങ്ങൾ ഇങ്ങനെ

മുംബൈ: മുംബൈയിൽ ജനവാസമേഖലയിൽ തകർന്നു വീണ വിമാനം പറക്കാൻ യോഗ്യമല്ലാത്തതെന്ന് റിപ്പോർട്ട്. കഴിഞ്ഞ ദിവസം ഉച്ചയോടെയാണ് പരീക്ഷണ പാറക്കൽ നടത്തിയ ചാര്‍​ട്ടേഡ്​ വിമാനം മുംബൈയിലെ ഘട്കോപറിൽ തകർന്നു വീണത്. അപകടത്തിൽ പൈലറ്റുമാർ ഉൾപ്പടെ അഞ്ച്‌ പേർ കൊല്ലപ്പെട്ടു.നിർമ്മാണ പ്രവർത്തനത്തിലിരുന്ന കെട്ടിടത്തിന് സമീപമാണ് അപകടം ഉണ്ടായത്. ഇവിടെ ജോലി ചെയ്‌തിരുന്ന ഒരു തൊഴിലാളി മരിക്കുകയും രണ്ട് പേർക്ക് പരിക്കേൽക്കുകയും ചെയ്‌തു.

ALSO READ:ജനവാസമേഖലയിൽ വിമാനം തകർന്നു വീണു; 5 മരണം

ഉത്തര്‍ പ്രദേശ് സര്‍ക്കാര്‍ മുംബൈയിലെ യുവൈ ഏവിയേഷന് വില്‍പ്പന നടത്തിയ വിമാനമാണ് അപകടത്തിൽപ്പെട്ടത്. നേരത്തെ അലഹാബാദില്‍ ഒരു അപകടത്തില്‍പ്പെട്ട പശ്ചാത്തലത്തിലാണ് വിമാനം വിറ്റത്. 2014ലാണ് വിമാനം കൈമാറിയതെന്നും ഉത്തര്‍ പ്രദേശ് പ്രിന്‍സിപ്പല്‍ സെക്രട്ടറി അവിനാഷ് അശ്വതി അറിയിച്ചിരുന്നു. എന്നാൽ ഈ വിമാനം പറക്കാൻ യോഗ്യമല്ലാത്തതാണെന്നാണ് ഇപ്പോൾ പുറത്ത് വരുന്ന വിവരം. വ്യാഴാഴ്ച ഉച്ചയ്ക്ക് 1.15നാണ് ദുരന്തമുണ്ടായത്. മണിക്കൂറുകൾ നീണ്ട രക്ഷാപ്രവർത്തനത്തിനൊടുവിലാണ് തീ നിയന്ത്രിക്കാനായത്. ജുഹു വിമാനത്താവളത്തിൽ ഇറങ്ങാന്‍ ഒരുങ്ങുന്നതിനിടെയാണ് വിമാനം തകര്‍ന്ന് വീണത്.