ദുബായ്: വാഹനം കേടായി വഴിയിൽപെട്ടുപോയ കുടുംബത്തെ സഹായിച്ച വ്യക്തിയെ അമ്പരപ്പിച്ച് ദുബായ് ഭരണാധികാരി ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം. സാലിം അബ്ദുല്ല ബിന്‍ നബ്ഹാന്‍ അല്‍ ബദ്വാവി എന്ന പാസ്പോർട്ട് ഉദ്യോഗസ്ഥനെയാണ് ദുബായ് ഭരണാധികാരി ഞെട്ടിച്ചിരിക്കുന്നത്. സാലിം അബ്ദുല്ലയെ അഭിനന്ദിക്കുകയും ഫസ്റ്റ് ഓഫിസര്‍ ആയി അദ്ദേഹത്തിന് സ്ഥാനക്കയറ്റം നൽകുകയുമാണ് ഭരണാധികാരി ചെയ്‌തത്‌.
Read Also: സൂപ്പർ കാറിൽ യാത്രചെയ്യണമെന്ന 10 വയസുകാരന്റെ ആഗ്രഹം സഫലമാക്കി ദുബായ് പോലീസ്
പെരുന്നാൾ ദിനത്തിലാണ് കാര്‍ കേടായി വഴിയില്‍ കുടുങ്ങിയ സിറിയന്‍ കുടുംബത്തെ സാലിം അബ്ദുല്ല സഹായിച്ചത്. അവധി ആയതിനാൽ കാർ നന്നാക്കാനോ ടാക്‌സി വിളിക്കാനോ കഴിയാത്തതിനാൽ സ്വന്തം വാഹനം അവർക്ക് വിട്ടുനൽകുകയായിരുന്നു. റേഡിയോ പരിപാടിയിലൂടെയാണ് ഇത് പുറത്തറിഞ്ഞത്. തുടർന്ന് ദുബായ് ഭരണാധികാരി അദ്ദേഹത്തെ അഭിനന്ദിക്കുകയും സ്ഥാനക്കയറ്റം നൽകുകയുമായിരുന്നു.
Post Your Comments