യുവാവ് ഭാര്യയായെ കൊലപ്പെടുത്തി; സഹോദരങ്ങളുടെ സഹായത്തോടെ മൃതദേഹം വെട്ടിനുറുക്കി ബാഗിലാക്കി

ന്യൂഡൽഹി: ഭർത്താവ് ഭാര്യയെ കൊലപ്പെടുത്തി, മൃതദേഹം വെട്ടിനുറുക്കി ബാഗിലാക്കി. യുവതിയുടെ മൃതദേഹം ഡൽഹിയിലെ ഓഖ്‌ലയിൽ നിന്നാണ് കണ്ടെത്തിയത്. ബീഹാർ സ്വദേശിനിയാണ് കൊല്ലപ്പെട്ടത്.  സംഭവത്തിൽ യുവതിയുടെ ഭർത്താവ് സാജിദ് അലി അൻസാരി(26) ഇയാളുടെ രണ്ട് സഹോദരങ്ങൾ എന്നിവരെ പോലീസ് അറസ്റ്റ് ചെയ്‌തു. യുവതിയുമായുണ്ടായ വാക്കുതർക്കത്തിനൊടുവിലാണ് യുവാവ് ഭാര്യയെ കൊലപ്പെടുത്തിയത്. ഇവരുടെ കുട്ടികൾ ഈ സമയം ഉറങ്ങിക്കിടക്കുകയായിരുന്നു.

ALSO READ: ശമ്പളം ചോദിച്ച പെണ്‍കുട്ടിയെ വെട്ടിനുറുക്കി; ഇടനിലക്കാരന്‍ ചെയ്ത ക്രൂരതയിങ്ങനെ

യുവതിയെ കൊലപ്പെടുത്തിയ ശേഷം അൻസാരി വിവരം തന്റെ സഹോദരങ്ങളെ അറിയിച്ചു. ഇവരുടെ സഹായത്തോടെ മൃതദേഹം 7 കഷണങ്ങളായി നുറുക്കി ബാഗിലാക്കി റോഡിൽ ഉപേക്ഷിക്കുകയായിരുന്നു. ഇതിന് ശേഷം മക്കളുമായി ഇയാൾ സ്ഥലംവിട്ടു. മൃതദേഹം കണ്ടെത്തിയതിനെ തുടന്ന് പോലീസ് നടത്തിയ അന്വേഷണത്തിനൊടുവിലാണ് പ്രതികൾ പിടിയിലായത്. മരിച്ച യുവതി ആരാണെന്ന് പോലും തിരിച്ചറിയാൻ പറ്റാത്ത വിധത്തിൽ മൃതദേഹത്തിന്റെ മുഖം വികൃതമാക്കിയിരുന്നു.