കൊച്ചി: ജസ്‌ന എവിടെയെന്ന ചോദ്യത്തിന് മൂന്നു മാസത്തിനിപ്പുറവും ഉത്തരമില്ല. ജസ്‌നയെ കണ്ടതായി പൊലീസിന് ഇതുവരെ അറിയിപ്പു ലഭിച്ചത് പതിനാറു സ്ഥലങ്ങളില്‍ നിന്നാണ്. ഇവിടെയെല്ലാം എത്തി വിശദമായ പരിശോധന നടത്തിയെങ്കിലും ജസ്‌നയെക്കുറിച്ച്‌ വിവരമൊന്നും ലഭിച്ചില്ലെന്ന് പൊലീസ് പറയുന്നു. ഹൈക്കോടതിയില്‍ സമര്‍പ്പിച്ച അന്വേഷണ റിപ്പോര്‍ട്ടിലാണ് പൊലീസ് ഇക്കാര്യം വിശദീകരിച്ചിട്ടുള്ളത്.
ALSO READ: ജസ്‌നയുടെ തിരോധാനം; സംശയം വെളിപ്പെടുത്തി സഹപാഠി
ഒരു ലക്ഷത്തിലേറെ ഫോണ്‍ കോളുകളാണ് ഇതുവരെ പോലീസ് പരിശോധിച്ചത്. 250 ഓളം പേരെ ചോദ്യം ചെയ്തു.130 പേരുടെ മൊഴിയാണ് ഇതുവരെ രേഖപ്പെടുത്തിയിട്ടുള്ളത്. ഝാര്‍ഖണ്ഡില്‍ ഒരു പെണ്‍കുട്ടിയുടെ മൃതദേഹം കണ്ടെന്ന റിപ്പോര്‍ട്ടുകളെത്തുടര്‍ന്ന് അവിടെയും പൊലീസ ബന്ധപ്പെട്ടിരുന്നു. അതു മറ്റൊരു വ്യക്തിയുടേതാണെന്ന് പിന്നീട് ബോധ്യപ്പെട്ടു. കഴിയുന്ന രീതിയിലെല്ലാം അന്വേഷണം നടത്തിയെങ്കിലും ജസ്‌നയെ ഇതുവരെയും കണ്ടെത്താനായിട്ടില്ല
Post Your Comments