തിരുവനന്തപുരത്ത് ബൈക്കപകടത്തിൽ യുവാവിന് ദാരുണാന്ത്യം

തിരുവനന്തപുരം: ബൈക്കും ടെമ്പോ ട്രാവലറും കൂട്ടിയിടിച്ച് യുവാവ് മരിച്ചു. കഴിഞ്ഞ ദിവസം രാത്രിയിൽ ബൈപ്പാസ് റോഡില്‍ ചാക്കയ്ക്ക് സമീപമാണ് അപകടമുണ്ടായത്. ബൈക്ക് യാത്രികനായ പുനലൂര്‍ തെന്മല ശാലിഭവനില്‍ ലാലു (25) ആണ് മരിച്ചത്.

ALSO READ: ബൈക്കപകടത്തിൽ കൊല്ലപ്പെട്ട ഡിവൈ‌എഫ്‌ഐ നേതാവിന്റെ മരണത്തിൽ ദുരൂഹത: പരാതിയുമായി ഭാര്യ

കഴക്കൂട്ടത്ത് നിന്നും വിമാനത്താവളത്തിലേക്ക് പോകുകയായിരുന്ന ലാലു സഞ്ചരിച്ചിരുന്ന ബൈക്കില്‍ ടെന്പോ ട്രാവലര്‍ ഇടിക്കുകയായിരുന്നു. ഗുരുതരമായി പരിക്കേറ്റ യുവാവിനെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. വിമാനത്താവളത്തിലെ ഫയര്‍ ആന്‍റ് സേഫ്ടി വിഭാഗത്തിലെ താല്‍ക്കാലിക ജീവനക്കാരനാണ് മരിച്ച ലാലു. പോസ്റ്റ്മോര്‍ട്ടത്തിന് ശേഷം മൃതദേഹം വീട്ടുകാർക്ക് വിട്ടുനൽകും