ബാഗേജ്​ നിരക്ക്​ ഉയര്‍ത്തി ഈ വിമാനക്കമ്പനി

ന്യൂഡല്‍ഹി: ആഭ്യന്തര വിമാനങ്ങളില്‍ അധിക ചെക്ക്​-ഇന്‍ ബാഗേജിന്​ നല്‍കേണ്ട തുക കുത്തനെ ഉയര്‍ത്തി ഇന്‍ഡിഗോ. ഏകദേശം 33 ശതമാനം വര്‍ധനയാണ്​ നിരക്കുകളില്‍ വരുത്തിയിരിക്കുന്നത്​. 15 കിലോ ഗ്രാം ബാഗേജ്​ ഇപ്പോള്‍ ഇന്‍ഡിഗോയില്‍ സൗജന്യമായി അനുവദനീയമാണ്​. ഇതിന്​ ശേഷം വരുന്ന അധിക ബാ​ഗേജിനുള്ള നിരക്കാണ്​ കമ്ബനി ഉയര്‍ത്തിയിരിക്കുന്നത്​.

also read: യാത്രക്കാർക്ക് ആശ്വസിക്കാം; നിരക്കുകൾ കുറച്ച് ഈ വിമാനക്കമ്പനി

അധികമായി വരുന്ന 5, 10, 15, 30 കിലോ ഗ്രാം ബാഗേജിന്​ യഥാക്രമം 1,900, 3,800, 5,700,11,400 രൂപയാണ്​ പുതിയ നിരക്ക്​. അധികമായി വരുന്ന ഒാരോ കിലോ ഗ്രാം ബാഗേജിനും ഏകദേശം 400 രൂപയാണ്​ യാത്രികര്‍ അധികമായി നല്‍കേണ്ടി വരിക. മുൻപ് ​ അധിക ബാഗേജിന്​ 1425, 2850,4275,8550 രൂപയായിരുന്നു​ നിരക്ക്​.