മലപ്പുറം: ജെസ്‌നയുടെ തിരോധാനവുമായി ബന്ധപ്പെട്ട് പോലീസ് വീണ്ടും മലപ്പുറത്തേക്ക്. ജെസ്നയെ കണ്ടിരുന്നുവെന്ന് വിവരം ലഭിച്ച മലപ്പുറം കോട്ടക്കുന്നിലെ പാര്‍ക്കിലാണ് കൂടുതല്‍ പരിശോധനകള്‍ക്കായി പോലീസ് എത്തിയത്. ജെസ്നയെ കണ്ടെന്ന് പറയുന്ന പാര്‍ക്കിലെ സിസിടിവി ദൃശ്യങ്ങള്‍ വീണ്ടെടുക്കാനാണ് പോലീസിന്റെ അടുത്ത നീക്കം.
അതേസമയം കഴിഞ്ഞ 15 ദിവസത്തെ ദൃശ്യങ്ങള്‍ മാത്രമേ ഉണ്ടാകൂ, എന്നതിനാല്‍ സിസിടിവി ക്യാമറ ദൃശ്യങ്ങള്‍ പരിശോധിക്കുന്നത് എത്രമാത്രം കാര്യക്ഷമമാകുമെന്ന് പറയാനാകില്ല. നേരത്തെയും മലപ്പുറം കോട്ടക്കുന്നിലെ പാര്‍ക്കിലെ സിസിടിവി ദൃശ്യങ്ങള്‍ പൊലീസ് പരിശോധിച്ചിരുന്നു. പാര്‍ക്കിലെത്തിയത് ജെസ്നയല്ലെന്ന് പാര്‍ക്കിലെ മാനേജര്‍ അന്‍വറം സെക്യൂരിറ്റി ഉദ്യോഗസ്ഥനും സമീപവാസിയായ ജസ്ഫറും പൊലീസിന് മൊഴി നല്‍കിയിരുന്നു.
Also Read: ഇന്നലെ മലപ്പുറത്തെത്തിയത് ജസ്‌നയോ? മൊഴി നല്‍കി പാര്‍ക്ക് ജീവനക്കാരന്‍
ജെസ്നയെ മറ്റൊരു പെണ്‍കുട്ടിക്കൊപ്പം മലപ്പുറത്ത് കണ്ടതായാണ് പൊലീസിന് വിവരം ലഭിച്ചത്. കോട്ടക്കുന്ന് ടൂറിസം പാര്‍ക്കില്‍ മേയ് മൂന്നിന് 11 മുതല്‍ രാത്രി എട്ടുവരെയാണ് ജസ്നയും മറ്റൊരു പെണ്‍കുട്ടിയും ഉണ്ടായിരുന്നതെന്നാണ് പാര്‍ക്കിലെ ജീവനക്കാര്‍ പറഞ്ഞത്.
കുര്‍ത്തയും ഷാളും ജീന്‍സുമായിരുന്നു ജെസ്നയുടെയും കൂട്ടുകാരിയുടെയും വേഷമെന്നും ദീര്‍ഘദൂരയാത്രയ്ക്ക് ശേഷമെന്നു തോന്നിക്കും വിധം രണ്ടുപേരും വലിയ ബാഗുകളുമായാണ് കോട്ടക്കുന്നിലെത്തിയതെന്നും മറ്റു മൂന്നുപേരുമായി അവര്‍ ദീര്‍ഘനേരം സംസാരിച്ചിരുന്നുവെന്നുമാണ് ജീവനക്കാര്‍ പോലീസന് നല്‍കിയിരുന്ന വിവരം.
Post Your Comments