ഗസിയാബാദ്: ഒപ്പം താമസിച്ചിരുന്ന യുവതിയെ യുവാവ് കഴുത്തറുത്ത് കൊലപ്പെടുത്തി. 22കാരിയായ ജ്യോതി വര്‍മ്മ എന്ന യുവതിയാണ് കൊലചെയ്യപ്പെട്ടത്. സംഭവത്തില്‍ പ്രതിയായ ലുധിയാന സ്വദേശി ശിവറാം ബിര്‍ദിയെ പോലീസ് അറസ്റ്റ് ചെയ്തു.
read also: ഭാര്യയുടെ കഴുത്തറുത്ത് കൊലപ്പെടുത്തിയ ഭര്‍ത്താവ് അറസ്റ്റില്‍, സംഭവം ചാലക്കുടിയില്‍
വിവാഹിതരല്ലെങ്കിലും ഇരുവരും ഒന്നിച്ചാണ് ജീവിച്ചിരുന്നത്. യുവതി തന്നെ ചതിക്കുന്നു എന്ന സംശയമാണ് ശിവറാമിനെ അരുംകൊലയ്ക്ക് പ്രേരിപ്പിച്ചത്. പത്ത് മാസത്തിലധികമായി ഇരുവരും ഒന്നിച്ചാണ് കഴിഞ്ഞിരുന്നത്. കഴിഞ്ഞ പത്താം തീയതി ഇരുവരും തമ്മില്‍ തര്‍ക്കം ഉണ്ടാവുകയും ശിവറാം ജ്യോതിയുടെ കഴുത്തറുത്ത് കൊലപ്പെടുത്തുകയുമായിരുന്നു.
കൊലക്ക് ശേഷം രണ്ട് ദിവസം കഴിഞ്ഞ് യുവതിയുടെ മൃതദേഹം പൊതുസ്ഥലത്ത് ഉപേക്ഷിക്കാന്‍ ശ്രമിക്കവെയാണ് ശിവറാം പിടിയിലായത്. നാട്ടുകാര്‍ ശിവറാമിനെ പിടികൂടാന്‍ ശ്രമിച്ചെങ്കിലും ഇയാള്‍ ഓടി രക്ഷപ്പെട്ടു. പിന്നീട് പോലീസ് പിടിയില്‍ കുടുങ്ങുകയായിരുന്നു.
Post Your Comments