അടുത്ത ആഴ്ച വരെ ട്രെയിൻ ഗതാഗത നിയന്ത്രണം; അധികൃതരുടെ നിർദേശമിങ്ങനെ

കൊച്ചി: അങ്കമാലിക്കും ഇടപ്പള്ളിക്കുമിടയിൽ ട്രാക്ക് നവീകരണം നടക്കുന്നതിനാൽ 25 വരെ ട്രെയിൻ ഗതാഗത നിയന്ത്രണമുണ്ടാകുമെന്ന് അധികൃതരുടെ അറിയിപ്പ്. പ്രതിവാര സർവീസുകളായ വെരാവൽ– തിരുവനന്തപുരം, ബിക്കാനീർ– കൊച്ചുവേളി, ഭാവ്‌നഗർ– കൊച്ചുവേളി, ഗാന്ധിധാം– നാഗർകോവിൽ‍, ഓഖ– എറണാകുളം (140 മിനിറ്റ് ), ഹൈദരാബാദ്– കൊച്ചുവേളി സ്പെഷൽ, നിസാമുദ്ദീൻ– തിരുവനന്തപുരം, പട്ന– എറണാകുളം (80 മിനിറ്റ്) എന്നിവ കളമശേരി, അങ്കമാലി സ്റ്റേഷനുകളിൽ പിടിച്ചിടും. ചൊവ്വ, ബുധൻ ദിവസങ്ങളിൽ നിയന്ത്രമുണ്ടാകില്ല.

Read Also: ജിയോയെ മുട്ട്കുത്തിക്കാൻ തകർപ്പൻ ഓഫർ അവതരിപ്പിച്ച് ബിഎസ്‌എന്‍എല്‍

പുനലൂർ –പാലക്കാട് പാലരുവി എക്സ്പ്രസ് ആലുവ വരെ സർവീസ് നടത്തും. മടക്ക ട്രെയിൻ കോട്ടയത്തുനിന്നു രാത്രി 10.35ന് സർവീസ് നടത്തും. കണ്ണൂർ– എറണാകുളം ഇന്റർസിറ്റി തൃശൂർ വരെയേ സർവീസ് നടത്തുകയുള്ളു. നിലമ്പൂർ– എറണാകുളം പാസഞ്ചർ ഒല്ലൂർ വരെ സർവീസ് നടത്തും.