കനത്ത മഴയെ തുടര്‍ന്ന് സ്‌കൂളുകള്‍ക്ക് ഇന്ന് അവധി. തുടര്‍ച്ചയായുണ്ടാകുന്ന കനത്ത മഴയെ തുടര്‍ന്നാണ് കളക്ടര്‍ വിദ്യാഭ്യാസ സ്ഥാപനങ്ങള്‍ക്ക് ഇന്ന് അവധി പ്രഖ്യാപിച്ചത്. ഇന്നലെയും കനത്ത മഴയെ തുടര്‍ന്ന് പല സ്‌കൂളുകള്‍ക്കും അവധി പ്രഖ്യാപിച്ചിരുന്നു. പ്രൊഫഷണല്‍ കോളേജുകള്‍ ഒഴികെയുള്ള വിദ്യഭ്യാസ സ്ഥാപനങ്ങള്‍ക്കാണ് ജില്ലാ കളക്ടര്‍ അവധി പ്രഖ്യാപിച്ചത്.
കോഴിക്കോട് ജില്ലയിലെ കൂടരഞ്ഞി, കാരശേരി, കോടഞ്ചേരി പഞ്ചായത്തുകളിലെ സ്‌കൂളുകള്‍ക്കും കോട്ടയം ആര്‍പ്പൂക്കരം, അയ്മനം, കുമരകം പഞ്ചായത്തിലെ സ്‌കൂളുകള്‍ക്കും അട്ടപ്പാടി ബ്ലോക്കിലെ സ്‌കൂളുകള്‍ക്കും കുട്ടനാട് താലൂക്കിലെ സ്‌കൂളുകള്‍ക്കുമാണ് ഇന്ന് ജില്ലാ കളക്ടര്‍മാര്‍ അവധി പ്രഖ്യാപിച്ചത്.
ഇടുക്കിയിലെ എല്ലാ വിദ്യാഭ്യാസ സ്ഥാപനങ്ങള്‍ക്കും ഇന്നലെ അവധി പ്രഖ്യാപിച്ചു. പകരം 23ന് പ്രവര്‍ത്തി ദിവസമായിരിക്കുമെന്നും അധികൃതര്‍ അറിയിച്ചു. അതേസമയം ഇടുക്കി ജില്ലയിലെ സ്‌കൂളുകള്‍ക്കും പ്രൊഫഷണല്‍ കോളേജുകള്‍ ഉള്‍പ്പെടെയുള്ള സ്ഥാപനങ്ങള്‍ക്ക് രണ്ടു ദിവസമായി അവധി പ്രഖ്യാപിച്ചിരുന്നു. കാലവര്‍ഷം ശക്തിപ്രാപിച്ചതോടെ സംസ്ഥാനങ്ങളില്‍ കനത്ത മഴ തുടരുകയാണ്.
സംസ്ഥാനത്ത് ബുധനാഴ്ച വരെ ശക്തമായ കാറ്റിനും മഴക്കും സാധ്യതയുണ്ടെന്ന് കാലാവസ്ഥ നീരീക്ഷണ കേന്ദ്രം അറിയിച്ചു. 60 കിലോമീറ്റര്‍ വരെ വേഗതയില്‍ കാറ്റടിക്കാന്‍ സാധ്യതയുണ്ടെന്നാണ് കാലാവസ്ഥാ നിരീക്ഷണം കേന്ദ്രം അറിയിക്കുന്നത്.
Post Your Comments