തിരുവനന്തപുരം: അമ്പലത്തില്‍ നിന്നും മടങ്ങി വരുന്ന വഴി അധ്യാപകനെ പാമ്പ് കടിച്ചു. ഇന്നലെ പുലര്‍ച്ചെയാണ് സംഭവം. ആക്കുളം ബ്രീസ്ഗാര്‍ഡനില്‍ ഷൈജു എസ് തരകനാണ് പാമ്പുകടിയേറ്റത്. വെട്ടം കുറവായതിനാല്‍ പാമ്പിനെ കാണാന്‍ സാധിച്ചില്ല. പാമ്പ് കടിച്ച ശേഷവും നിര്‍ഭാഗ്യം ഷൈജുവിനെ വിട്ടില്ല. ചികിത്സ തേടാന്‍ മെഡിക്കല്‍ കോളേജിലേക്ക് തനിയെ കാറോടിച്ച് പോകുന്ന വഴി കാര്‍ പൊതുമരാമത്ത് കുഴിച്ച ഓടയില്‍ വീണു.
ഇടിയുടെ ആഘാതത്തില്‍ ഷൈജുവിന്റെ നെഞ്ചിന് പരുക്കേറ്റിട്ടുണ്ട്. ഓടിക്കൂടിയ നാട്ടുകാര്‍ ഇദ്ദേഹത്തെ മറ്റൊരു വാഹനത്തില്‍ ആശുപത്രിയിലെത്തിക്കുകയായിരുന്നു. ഷൈജു സുഖം പ്രാപിച്ച് വരുന്നതായി ആശുപത്രി അധികൃതര്‍ അറിയിച്ചു. തിരുവനന്തപുരം ഫാര്‍മസി കോളേജ് പ്രിന്‍സിപ്പലാണ് ഷൈജു.
Post Your Comments