ബംഗളൂരു: എട്ടാം ക്ലാസ് യോഗ്യത മാത്രമുള്ള ജി.ടി. ദേവഗൗഡയെ ഉന്നത വിദ്യാഭ്യാസ വകുപ്പ് മന്ത്രിയാക്കിയ നടപടിയില്‍ തെറ്റില്ലെന്ന് കര്‍ണാടക മുഖ്യമന്ത്രി കുമാരസ്വാമി.മാധ്യമങ്ങളുടെ ചോദ്യത്തിന് മറുപടി പറയുകയായിരുന്നു കുമാര സ്വാമി. ‘ഞാനെത്ര വരെ പഠിച്ചു.? ഇന്ന് ഞാന്‍ മുഖ്യമന്ത്രിയാണ്, ഇക്കാര്യത്തില്‍ തീരുമാനങ്ങള്‍ എടുക്കുന്നത് പാര്‍ട്ടിയാണ്. കുമാര സ്വാമി പറഞ്ഞു.
ചിലര്‍ക്ക് പ്രത്യേക വകുപ്പുകള്‍ വേണമെന്ന ആഗ്രഹമുണ്ടാകും. എന്നാല്‍ എല്ലാ വിഭാഗത്തിലും കാര്യക്ഷമമായി പ്രവര്‍ത്തിക്കാന്‍ അവസരമുണ്ട്. ഇക്കാര്യത്തില്‍ തീരുമാനങ്ങള്‍ എടുക്കുന്നത് പാര്‍ട്ടിയാണ്. ആദ്യം മന്ത്രിയാകണമെന്ന ആഗ്രഹമുണ്ടാവുന്നതും പിന്നീട് ചില പ്രത്യേക വകുപ്പുകള്‍ ആവശ്യപ്പെടുന്നതും സാധാരണ സംഭവമാണെന്നും കുമാരസ്വാമി പറഞ്ഞു.
സ്മൃതി ഇറാനിക്കെതിരെ ആരോപണമുന്നയിച്ചവർ ഇതിനെതിരെ നിശബ്ദമായിരിക്കുന്നതിനെ ബിജെപി വിമർശിച്ചു. കർണ്ണാടക രാഷ്ട്രീയം കുറച്ചു ദിവസങ്ങളായി പുകയുകയാണ്. മന്ത്രിസഭാ രൂപീകരണവുമായി ബന്ധപ്പെട്ട് നിരവധി എതിർപ്പുകളാണ് എം എൽ എ മാരുടെ ഭാഗത്തു നിന്നും ഉള്ളത്.
Post Your Comments