തിരുവനന്തപുരം: ഇന്നലെ വൈകിട്ടോടെ ശക്തമായി വീശിയടിച്ച കാറ്റിൽ വീടിന്‍റെ മേൽകൂരയോടൊപ്പം പറന്നുപോയ കുഞ്ഞിന് ഒടുവിൽ അത്ഭുതകരമായ രക്ഷപെടൽ. ചരുവിളയിൽ കുമാർ -ഷീബ ദമ്പതികളുടെ രണ്ടുമാസം മകൻ പ്രായമുള്ള വിനായക് ആണ് കാറ്റിൽ തൊട്ടിലിനൊപ്പം പറന്നുപോയത്. വീടിനോട് ചേർന്ന് നിന്ന തെങ്ങിൽ തട്ടി ഷീറ്റ് നിന്നതിനാൽ വലിയ അപകടം ഒഴിവാകുകയായിരുന്നു. സംഭവ സമയം ഷീബയും മറ്റ് രണ്ട് മക്കളും വീട്ടിലുണ്ടായിരുന്നു.
Read Also: പി.ജെ.കുര്യനെ വിമര്‍ശിച്ചതിനെ കുറിച്ച് ഷാഫി പറമ്പില്‍ എം.എല്‍.എ
വീട്ടിലെ ഫാൻ , ട്യൂബ് ലെറ്റുകൾ ഉൽപ്പടെയാണ് മേൽകൂര കാറ്റിൽ പറന്നത്. എന്താണ് സംഭവിക്കുന്നതെന്നറിയാതെ അമ്പരന്ന ഷീബ പെട്ടെന്ന് തന്നെ ഏണി ഉപയോഗിച്ച് തെങ്ങിൽ തട്ടിനിന്ന ഷീറ്റിൽ തൂങ്ങിക്കിടന്ന തൊട്ടിലിൽ നിന്നും കുട്ടിയെ രക്ഷപ്പെടുത്തുകയായിരുന്നു. കുട്ടിക്ക് പരിക്കോ മറ്റ് കുഴപ്പങ്ങളോ ഇല്ല.
Post Your Comments