കോയമ്പത്തൂർ : ദയാവധം നടത്താൻ കളക്ടര്‍ക്ക് അപേക്ഷ നൽകി ട്രാന്‍സ്ജെന്‍ഡറുകള്‍. പോലീസുകാരുടെ നിരന്തരമായ ഭീഷണിയെ തുടര്‍ന്നാണ് ദയാവധത്തിന് ഇവർ ആവശ്യപ്പെട്ടത് തമിഴ്‌നാട്. ഈറോഡ് സ്വദേശികളായ ഓവിയ (29), അനു (24) എന്നിവരാണ് അപേക്ഷ നല്കിയത്.
മേയ് 28 ന് രാത്രി സത്യമംഗലത്ത് ഒരു പ്രോഗ്രാമില്‍ പങ്കെടുത്ത് വീട്ടിലേക്ക് തിരിച്ചുവരുന്നതിനിടയിൽ വഴിയിൽ വെച്ച് മൂന്നുപേര്‍ ഇവരുടെ ഫോണുകളും മറ്റും കവര്‍ന്നു. തുടർന്ന് ഇരുവരും അടുത്തുള്ള പോലീസ് സ്റ്റേഷനിൽ പരാതി നൽകി. എന്നാൽ ഇവരെ പോലീസ് അപമാനിച്ച് തിരിച്ചയയ്ക്കുകയായിരുന്നു. ഇതില്‍ മനംനൊന്ത് വനിതാ പോലീസ് സ്റ്റേഷനുമുന്നില്‍ ഇവർ ആത്മഹത്യാശ്രമം നടത്തി. തുടർന്ന് ടൗണ്‍ പോലീസ് ഇവര്‍ക്കെതിരേ ആത്മഹത്യാശ്രമത്തിനു കേസെടുക്കുകയും ഗുണ്ടാആക്‌ട് ചുമത്തി ജയിലില്‍ അടയ്ക്കുമെന്നും ഭീഷണിപ്പെടുത്തുകയുമായിരുന്നു. ഇതിനെത്തുടർന്നാണ് ഇവർ ദയാവധത്തിന് അപേക്ഷ നൽകിയത്.
Post Your Comments