കോഴിക്കോട്: ഔദ്യോഗിക വാഹനം പൂജ ചെയ്ത് കേരളാ പോലീസ് വിവാദത്തിലേക്ക് . കോഴിക്കോട് സിറ്റി പോലീസ് കണ്‍ട്രോള്‍ റൂമിലേക്ക് പുതിയതായി അഞ്ച് എസി വാഹനങ്ങൾ ലഭിച്ചിരുന്നു. ഇതിൽ ഒന്നാണ് പൂജയ്ക്കായി ക്ഷേത്രത്തിൽ എത്തിച്ചത്. ഔദ്യോഗിക വേഷത്തിലാണ് പോലീസുകാര്‍ വാഹന പൂജക്കായി ക്ഷേത്രത്തിലെത്തിയത്.
പോലീസ് ചട്ടപ്രകാരം ഔദ്യോഗിക യൂണിഫോമില്‍ മതാചാരചടങ്ങുകളില്‍ പങ്കെടുക്കാന്‍ അനുവാദമില്ല. സംഭവം പോലീസുകാര്‍ക്കിടയില്‍ തന്നെ പ്രതിഷേധത്തിന് ഇടയാക്കി. പോലീസുകാരുടെ വാട്‌സ്‌ആപ് ഗ്രൂപ്പിലൂടെ തന്നെയാണ് വാഹന പൂജയുടെ ദൃശ്യങ്ങള്‍ പുറത്തുവന്നത്. ഇതോടെ വാഹന പൂജ നടത്തിയ പോലീസുകാര്‍ക്കെതിരെ നടപടി വേണമെന്ന ആവശ്യവും ശക്തമായിട്ടുണ്ട്.
Post Your Comments