ഓടിക്കൊണ്ടിരുന്ന കാറിന് തീപിടിച്ച് ഒരാള്‍ മരിച്ചു

കോഴിക്കട്: ഓടിക്കൊണ്ടിരുന്ന കാറിന് തീപിടിച്ച് ഒരാള്‍ മരിച്ചു. കോഴിക്കോട് കുറ്റ്യാടി അമ്പലക്കുളങ്ങരയിലാണ് ഓടിക്കൊണ്ടിരുന്ന കാറിന് തീപിടിച്ച് ഒരാള്‍ മരിച്ചത്. നരിപറ്റ സ്വദേശി കുയ്യാളില്‍ നാണു മാസ്റ്റര്‍(60) ആണ് മരിച്ചത്.

Also Read : 

ദുബായിൽ ഓടിക്കൊണ്ടിരുന്ന കാറിന് തീപിടിച്ച് മലയാളിക്ക് ദാരുണാന്ത്യം

അതേസമയം കാറിന് തീപിടിക്കാനിടയായ സാഹചര്യം ഇതുവരെ വ്യക്തമല്ല. കാറിനുള്ളിലെ ഷോര്‍ട്ട് സര്‍ക്യൂട്ടാണ് അപകടകാരണമെന്നാണ് പ്രാഥമിക നിഗമനം. യഥാര്‍ഥ കാരണം ശാസ്ത്രീയ പരിശോധനകള്‍ക്കു ശേഷമേ വ്യക്തമാവൂ എന്ന് പോലീസ് അറിയിച്ചു.

എന്നാല്‍ കാറിനകത്ത് പെട്രോളിന്റെ സാന്നിദ്ധ്യം ഉണ്ടായിരുന്നുവെന്ന് പൊലീസിന് സംശയം ഉണ്ട്. ഈ സാഹചര്യത്തില്‍ കൂടുതല്‍ ശക്തമായ ശാസ്ത്രീയ പരിശോധന നടത്തണമെന്നാണ് പൊലീസ് വ്യക്തമാക്കിയിരിക്കുന്നത്.