തൃശൂര്‍: പോലീസിനെ ഭയന്ന് ഓടിയ യുവാവ് കിണറ്റില്‍ മരിച്ച നിലയില്‍ കണ്ടെത്തി. തൃശൂര്‍ ചേലക്കരയിലാണ് സംഭവം. ബാറിലെ സംഘര്‍ഷത്തിനിടെ പോലീസ് എത്തുന്നത് കണ്ട് ഭയന്നോടിയ ചേലക്കര സ്വദേശി പ്രജീഷിനെയാണ് (32) കിണറ്റില്‍ മരിച്ച നിലയില്‍ കണ്ടെത്തിയത്.
read also: വനിതാ ഡോക്ടറെ മരിച്ച നിലയില്‍ കണ്ടെത്തി
ഞായറാഴ്ച രാത്രി ചേലക്കര ബാറില്‍ സംഘര്‍ഷത്തിനിടെ പ്രജീഷിനെ കാണാതായിരുന്നു. തുടര്‍ന്ന് ഇന്നലെ വൈകിട്ട് കുടുംബാഗങ്ങള്‍ പൊലീസിന് പരാതി നല്‍കി. പിന്നീട് നടത്തിയ തിരച്ചിലിനൊടുവില്‍ ബാറിനു സമീപത്തുള്ള പറമ്പിലെ കിണറ്റില്‍ മൃതദേഹം കണ്ടെത്തുകയായിരുന്നു. ഇന്നലെ രാത്രി ഒന്‍പതോടെ മൃതദേഹം കിണറ്റില്‍ നിന്ന് പുറത്തെടുത്ത് തൃശൂര്‍ മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി. മൃതദേഹം പോസ്റ്റ്‌മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുകൊടുക്കും
Post Your Comments