ന്യൂഡല്‍ഹി: യു.പി.എസ്.സി സിവില്‍ സര്‍വീസ് പ്രിലിമിനറി പരീക്ഷക്ക് വൈകി എത്തിയതിനാൽ ഹാളിൽ പ്രവേശിപ്പിച്ചില്ല മനംനൊന്ത് യുവാവ് ആത്മഹത്യ ചെയ്തു. കര്‍ണാടക സ്വദേശി വരുണ്‍(28) ആണ് രാജേന്ദ്ര നഗറിലുള്ള വാടക മുറിയില്‍ തൂങ്ങി മരിച്ചത്. ഏറെ നാളായി ഇൗ പരീക്ഷ മുന്നില്‍ കണ്ട് കഠിന പരിശ്രമം നടത്തി വരുകയായിരുന്നു വരുണ്‍.
ഡല്‍ഹിയിലെ പഹഡ്ഗഞ്ചിലുള്ള പരീക്ഷാസെന്‍ററില്‍ എത്തിയെങ്കിലും ഹാളില്‍ പ്രവേശിക്കാനുള്ള സമയം വൈകിയതിനാല്‍ പരീക്ഷ എഴുതാൻ അനുവദിച്ചില്ല. വരുണിന്റെ ഫോണിലേക്ക് പല തവണ വിളിച്ചിട്ടും എടുക്കാത്തതിനെ തുടർന്ന് എത്തിയ കൂട്ടുകാരി വീടീനു പുറത്തു നിന്ന് വിളിച്ചിട്ടും വാതില്‍ തുറന്നില്ല ശേഷം ജനല്‍ വഴി നോക്കിയപ്പോഴാണ് ഫാനില്‍ തൂങ്ങി മരിച്ച നിലയില്‍ കണ്ടെത്തിയത്. സംഭവം അറിഞ്ഞെത്തിയ പോലീസ് വേണ്ട നടപടികൾ സ്വീകരിച്ചു. മൃതദേഹത്തിനരികില്‍ നിന്ന് പൊലീസ് ആത്മഹത്യ കുറിപ്പ് കണ്ടെടുത്തിട്ടുണ്ട്.
Also read : ചെറിയൊരു അബദ്ധത്തിലൂടെ വീട്ടമ്മയ്ക്ക് നഷ്ടമായത് ഏഴ് ലക്ഷം രൂപ; സംഭവം ഇങ്ങനെ
Post Your Comments