ഹൈദരാബാദ്: ജോലി തെടി വിദേശത്ത് പോകുന്നവരില്‍ ചിലരൊക്കെ പീഡനത്തിനിരയാകാറുണ്ട്. സൗദിയില്‍ നിന്നാണ് ഇത്തരത്തിലുള്ള വാര്‍ത്തകള്‍ പൊതുവെ എത്തുന്നത്. എന്നാല്‍ സൗദിയില്‍ ജോലിക്ക് പോയി ഉടമയുടെ മകളുമായി പ്രണയത്തിലായ ഇന്ത്യന്‍ യുവാവിന്റെ വാര്‍ത്തയാണ് ഇപ്പോള്‍ പുറത്തെത്തുന്നത്.
30 കാരനായ നിസാമാബാദ് കാരന്‍ സൗദിയില്‍ ഡ്രൈവറായാണ് ജോലി ചെയ്തിരുന്നത്. അവിടെ ഉടമയുടെ 27കാരി മകളുമായി ഇയാള്‍ പരിചയത്തിലാവുകയും പിന്നീട് പ്രണയത്തിലേക്ക് വഴിമാറുകയുമായിരുന്നു. എന്നാല്‍ യുവാവ് ലീവിന് സ്വന്തം നാടായ ഇന്ത്യയിലേക്ക് പോന്നത് കാമുകിക്ക് സഹിക്കാനായില്ല. ഫെബ്രുവരിയിലാണ് യുവാവ് ഇന്ത്യയിലേക്ക് തിരിച്ചത്.
read also: പ്രണയാഭ്യര്‍ത്ഥന യുവതി തള്ളി : പ്രണയം തലയ്ക്ക് പിടിച്ച യുവാവ് പിന്നെ ചെയ്തത് ആരെയും ഞെട്ടിയ്ക്കും
പിന്നീട് വീട്ടുകാരുടെ കണ്ണ് വെട്ടിച്ച് യുവതി ഇന്ത്യയിലെക്ക് തിരിക്കുകയായിരുന്നു. നേപ്പാളില്‍ ഇറങ്ങിയ ശേഷം അനധികൃതമായി ഇവര്‍ ഇന്ത്യയിലെത്തുകയായിരുന്നു. ഡല്‍ഹിയിലെത്തിയ യുവതിയെ കാമുകന്‍ എത്തി കൂട്ടിക്കൊണ്ട് പോവുകയായിരുന്നു. പിന്നീട് ഇവര്‍ വിവാഹിതരായെന്നും പറയപ്പെടുന്നു.
യുവതി ഇന്ത്യയിലാണെന്ന് മനസിലായ പിതാവ് സൗദി ഉദ്യോഗസ്ഥരുമായി ഇന്ത്യയിലെത്തി. യുവാവിനെതിരെ പരാതി കൊടുത്തു. എന്നാല്‍ തങ്ങള്‍ വിവാഹിതരായെന്ന് കാമുകനും കാമുകിയും പോലീസിനെ അറിയിക്കുകയായിരുന്നു. ഇന്ത്യയില്‍ താമസിക്കാനുള്ള അനുമതിക്കായി ഗവണ്‍മെന്റിനെ സമീപിച്ചിരിക്കുകയാണ് യുവതി.
Post Your Comments