വീണ്ടും സദാചാര ഗുണ്ടായിസം; പെൺകുട്ടി ആത്മഹത്യയ്ക്ക് ശ്രമിച്ചു

കാ​ഞ്ഞ​ങ്ങാ​ട്: കേരളത്തിൽ വീണ്ടും സ​ദാ​ചാ​ര ഗുണ്ടായിസം അരങ്ങേറുന്നു. കമിതാക്കളെ ആക്രമിക്കുകയും വീഡിയോ പകർത്തുകളയും ചെയ്തതിൽ അപമാനം ഭയന്ന് പെൺകുട്ടി ആത്മഹത്യയ്ക്ക് ശ്രമിച്ചു. സം​ഭ​വ​ത്തി​ൽ പിടിയിലായ എ​ട്ടു പേ​രെ കോ​ട​തി റി​മാ​ൻ​ഡു ചെ​യ്തു.

പെ​രി​യ മൊ​യോ​ല​ത്തെ രാ​ധാ​കൃ​ഷ്ണ​ൻ(43), മ​ക​ൻ അ​ജ​യ് ജി​ഷ്ണു(19), ശ്യാം​രാ​ജ്(21), ശി​വ​പ്ര​സാ​ദ്(19), അ​ഖി​ൽ(21), ശ്രീ​രാ​ഗ്(20), സു​ജി​ത്(24) എ​ന്നി​വ​രാ​ണ് അ​റ​സ്റ്റി​ലാ​യ​ത്. ക​ഴി​ഞ്ഞ ദി​വ​സം രാ​വി​ലെ 11ഓ​ടെ​യാ​യി​രു​ന്നു സം​ഭ​വം. ബ​ന്ധു​വീ​ട്ടി​ലാ​യി​രു​ന്ന പെ​ണ്‍​കു​ട്ടി​യെ സ്വ​ന്തം വീ​ട്ടി​ൽ വി​ടാ​ൻ യു​വാ​വ് ബൈ​ക്കി​ൽ കൊ​ണ്ടു​വ​രി​ക​യാ​യി​രു​ന്നു. പെ​രി​യാ​ന​ത്തെ ഒ​ഴി​ഞ്ഞ സ്ഥ​ല​ത്തു മൂ​ത്ര​മൊ​ഴി​ക്കാ​ൻ ബൈ​ക്ക് നി​ർ​ത്തി​യ​തോ​ടെ ഏ​താ​നും പേ​ർ ബൈ​ക്കു​ക​ളി​ൽ പി​ന്നാ​ലെ എ​ത്തു​ക​യാ​യി​രു​ന്നു.

തുടന്ന് വാക്കേറ്റവും കമിതാക്കളെ തടഞ്ഞുവെയ്ക്കലും ഉണ്ടായി. ഇ​തി​നി​ടെ ഒ​രാ​ൾ പെൺകുട്ടിയെ ക​യ​റി​പ്പി​ടി​ക്കാ​ൻ ശ്ര​മി​ച്ച​പ്പോ​ൾ പെ​ണ്‍​കു​ട്ടി ബാ​ഗി​ലു​ണ്ടാ​യി​രു​ന്ന ബ്ലേ​ഡ് എ​ടു​ത്ത് ഞരമ്പ് മു​റി​ക്കു​ക​യാ​യി​രു​ന്നു. തു​ട​ർ​ന്നു സം​ഘ​ത്തി​ൽ​പെ​ട്ട​വ​ർ പെ​രി​യ പി​എ​ച്ച്സി​യി​ലും കാ​ഞ്ഞ​ങ്ങാ​ട് ജി​ല്ലാ ആ​ശു​പ​ത്രി​യി​ലും കൊ​ണ്ടു​പോ​വു​ക​യാ​യി​രു​ന്നു. യുവതി പ​രി​യാ​രം മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലാ​ണ്. ഇരുവരുടെയും വിവാഹം തീരുമാനിച്ചതാണെന്ന് യുവാവിന്റെ അച്ഛൻ പൊലീസിന് മൊഴി നൽകിയിട്ടുണ്ട്.