കൊല്ലം: കൊല്ലം രൂപത നിയുക്ത മെത്രാൻ റൈറ്റ് റവ .ഡോ പോൾ ആന്റണി മുല്ലശേരിയുടെ മെത്രാഭിഷേക തിരുകർമ്മങ്ങൾ ആരംഭിച്ചു. കൊല്ലം ഫാത്തിമ കോളേജ് അങ്കണത്തിൽ പ്രത്യേകം തയ്യാറാക്കിയിരിക്കുന്ന വേദിയിലാണ് ചടങ്ങുകൾ നടക്കുന്നത് .കൊല്ലം മെത്രാൻ റൈറ്റ് റവ ഡോ സ്റ്റാൻലി റോമൻറെ മുഖ്യ കാർമികത്വത്തിലാണ് ചടങ്ങുകൾ നടക്കുന്നത്. കണ്ണൂർ മെത്രാൻ റൈറ്റ് റവ ഡോ അലക്സ് വടക്കുംതല ,പുനലൂർ മെത്രാൻ റൈറ്റ് റവ .ഡോ സിൽവസ്റ്റർ പൊന്നുമുത്തൻ എന്നിവരാണ് സഹ കാർമ്മികർ . തൃശൂർ അതിരൂപത മെത്രാൻ മോസ്റ്റ് റവ .ഡോ .ആൻഡ്രൂസ് താഴത്ത് വചനപ്രഘോഷണം നടത്തും . തിരുവനന്തപുരം ലത്തീൻ അതിരൂപത മെത്രാൻ മോസ്റ്റ് .റവ ഡോ .സൂസപാക്യം ആശംസാപ്രസംഗം നടത്തും .
വൈദിക സമൂഹവും വിശ്വാസികളും അടക്കം ആയിരക്കണക്കിന് ആളുകളാണ് ഇപ്പോൾ ചടങ്ങിൽ പങ്കെടുക്കാൻ എത്തിയിരിക്കുന്നത്. ഗായക സംഘത്തിന്റെ പ്രാർത്ഥനാഗാനത്തോടെയാണ് ചടങ്ങുകൾ ഇപ്പോൾ പുരോഗമിക്കുന്നത്. മാധ്യമങ്ങൾക്കും വിശിഷ്ട വ്യക്തികൾക്കും പ്രത്യേക ഇരിപ്പിടങ്ങളും മറ്റു സജീകരണങ്ങളും തയാറാണ് . യുവജന പ്രസ്ഥാനത്തിന്റെ നേതൃത്വത്തിൽ വോളന്റിയേഴ്‌സിനേയും വേദിക്ക് ചുറ്റും സേവനത്തിനായി വിന്യസിച്ചിട്ടുണ്ട്.
Post Your Comments