കൊച്ചി: കേരള ബ്ലാസ്റ്റേഴ്സ് താരമായിരുന്ന റിനോ ആന്റോ ടീം വിട്ടു. 2016 മുതല്‍ ബ്ലാസ്റ്റേഴ്സിന്റെ പ്രതിരോധക്കോട്ടയില്‍ ജിങ്കനൊപ്പം നിലയുറപ്പിച്ച്‌ കളിച്ചിരുന്ന താരം തന്റെ ഫേസ്‌ബുക്ക് പോസ്റ്റിലൂടെയാണ് താൻ ക്ലബുമായി വേർപിരിയുകയാണെന്ന് അറിയിച്ചത്. മനോഹരമായ രണ്ട് സീസണ്‍ സമ്മാനിച്ച ബ്ലാസ്‌റ്റേഴ്‌സിനോട് ഗുഡ്‌ബൈ പറയുന്നതായി റിനോ ഫേസ്ബുക്കിൽ കുറിച്ചു. മികച്ച കുറേ താരങ്ങളെ പരിചയപ്പെടാന്‍ സാധിച്ചെന്നും എല്ലാവരില്‍ നിന്നും ഒരുപാട് പഠിക്കാന്‍ കഴിഞ്ഞിട്ടുണ്ടെന്നും താരം പറയുകയുണ്ടായി.
Read Also: നിരീക്ഷണ തടവിന് വിധിക്കപ്പെട്ട ഇന്ത്യൻ വംശജന് യുഎസിൽ ശിക്ഷാ ഇളവ്
എല്ലാ സന്ദര്‍ഭത്തിലും തന്റെ കൂടെ നിന്ന ആരാധകരുടെ പിന്തുണയ്ക്കും സ്‌നേഹത്തിനും നന്ദി അറിയിക്കാനും റിനോ മറന്നില്ല. ബ്ലാസ്റ്റേഴ്സില്‍ കളിക്കാന്‍ കഴിഞ്ഞത് എന്നും നല്ല ഓര്‍മ്മയായിരിക്കുമെന്നും മോശം ഘട്ടത്തില്‍ ഒപ്പം നിന്ന ആരാധകരെ മറക്കില്ലെന്നും താരം പറയുന്നു. അതേസമയം അടുത്ത സീസണില്‍ ഏത് ടീമിലേക്കാണ് പോകുന്നത് എന്നതിനെ കുറിച്ച് റിനോ വ്യക്തമാക്കിയിട്ടില്ല.
Post Your Comments