ഗോ​ഡൗ​ണി​ല്‍ അ​ഗ്നി​ബാ​ധ ; തീ​യ​ണ​യ്ക്കാ​ന്‍ അ​ഗ്നി​ശ​മ​ന സേനയ്‌ക്കൊപ്പം വ്യോ​മ​സേ​ന​യും

ന്യൂ​ഡ​ല്‍​ഹി: ഡ​ല്‍​ഹി​യി​ലെ മാ​ല്‍​വി​യ ന​ഗ​റി​ലെ ഗോ​ഡൗ​ണി​ല്‍ തീപിടുത്തം. ഇന്നലെ വൈ​കു​ന്നേ​ര​മാ​ണ് തീ​പി​ടി​ത്തം ഉ​ണ്ടാ​യ​ത്. ക​ഴി​ഞ്ഞ പതിനേഴു മ​ണി​ക്കൂ​റു​ക​ളി​ലാ​യി അ​ഗ്നി​ശ​മ​ന സേ​ന​യു​ടെ നടത്തിയ പ്രവർത്തനംകൊണ്ട്  തീ നിയന്ത്രിക്കാൻ കഴിഞ്ഞില്ല. തുടർന്ന് വ്യോ​മ​സേ​ന​യു​ടെ സഹായം തേടി തീ നിയന്ത്രണ വിധേയമാക്കികൊണ്ടിരിക്കുകയാണ്.

ഗോ​ഡൗ​ണി​നു സ​മീ​പം പാ​ര്‍​ക്ക് ചെ​യ്തി​രു​ന്ന ട്ര​ക്കി​ല്‍​നി​ന്നാ​ണ് തീ​പ​ട​ര്‍​ന്ന​തെ​ന്നാ​ണ് പോ​ലീ​സ് ക​രു​തു​ന്ന​ത്. ഈ ​ട്ര​ക്കി​ല്‍ റ​ബ​ര്‍ ലോ​ഡ് ചെ​യ്തി​രി​ക്കു​ക​യാ​യി​രു​ന്നു. ശ​ക്ത​മാ​യ കാ​റ്റി​ല്‍ തീ ​ആ​ളി​പ്പ​ട​ര്‍​ന്നു. പ്ലാ​സ്റ്റി​ക്കും അ​സം​സ്കൃ​ത വ​സ്തു​ക്ക​ളും ശേ​ഖ​രി​ച്ചി​രു​ന്ന ഗോ​ഡൗ​ണ്‍ പൂ​ര്‍​ണ​മാ​യും കത്തിനശിച്ചു. പ്ര​ദേ​ശ​ത്ത് സ്കൂ​ളും ജിം​നേ​ഷ്യ​വും അ​ട​ക്കം 13 കെ​ട്ടി​ട​ങ്ങ​ളാ​ണ് ഉ​ണ്ടാ​യി​രു​ന്ന​ത്. ഉ​ട​ന്‍ ത​ന്നെ ഇ​വി​ടെ​നി​ന്നും ആ​ളു​ക​ളെ ഒ​ഴി​പ്പി​ച്ചു. സം​ഭ​വ​ത്തി​ല്‍ ആ​ര്‍​ക്കും പരിക്കേറ്റിട്ടില്ല.

വ്യോ​മ​സേ​ന​യു​ടെ എം​ഐ-17 ഹെ​ലി​കോ​പ്റ്റ​ര്‍ കെ​ട്ടി​ട​ത്തി​നു മു​ക​ളി​ലൂ​ടെ പ​റ​ന്ന് വെ​ള്ളം ഒ​ഴി​ച്ച്‌ തീ​യ​ണ​ക്കാ​നു​ള്ള ശ്ര​മ​ത്തി​ലാ​ണ്. പ്ര​ദേ​ശ​ത്തെ വീ​ടു​ക​ളി​ലേ​ക്കും സ്കൂ​ളി​ലേ​ക്കും തീ​പ​ട​രാ​തി​രി​ക്കാ​ന്‍ രാ​ത്രി മു​ഴു​വ​നും അ​ഗ്നി​ശ​മ​ന​സേ​ന പ്ര​വ​ര്‍​ത്തി​ക്കു​ക​യാ​യി​രു​ന്നു. 80 ഫ​യ​ര്‍ എ​ഞ്ചി​നു​ക​ളാ​ണ് സ്ഥ​ല​ത്തു​ണ്ടാ​യി​രു​ന്ന​ത്. എ​ന്നാ​ല്‍ തീ ​നി​യ​ന്ത്ര​ണ വി​ധേ​യ​മാ​ക്കാ​നാ​യി​ല്ല. ഡൽഹിയിൽ അടുത്തിടെ ഉണ്ടായ ഏറ്റവും വലിയ അഗ്നിബാധയാണിത്.