ടീമിന്റെ വിജയാഘോഷത്തില്‍ റാഷിദ് ഖാന്റെ തീരുമാനം സോഷ്യല്‍ മീഡിയ സ്വീകരിച്ചത് നിറഞ്ഞ കൈയ്യടികളോടെ. ട്വന്റി 20 ഫോര്‍മാറ്റില്‍ ലോകത്തിലെ ഏറ്റവും മികച്ച പ്ലെയര്‍ എന്നാണ് സാക്ഷാല്‍ സച്ചിന്‍ റാഷിദിനെ വിശേഷിപ്പിച്ചത്. എന്നാല്‍ ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത് ആഘോഷവേളയില്‍ മദ്യം നിരസിക്കുന്ന റാഷിദ് ഖാന്റെ വീഡിയോയാണ്.
ഐപിഎല്‍ പതിനൊന്നാം സീസണില്‍ സണ്‍റൈസേഴ്സിനെ ഫൈനല്‍ വരെ എത്തിക്കാന്‍ റാഷിദ് ഖാന്‍ വഹിച്ച പങ്ക് ചെറുതല്ല. മാന്ത്രികമായ തന്റെ ഓഫ് സ്പിന്നിലൂടെ എതിര്‍ടീമുകളെ പിടിച്ചുകെട്ടിയ ഈ പത്തൊമ്പതുകാരന്‍ ബാറ്റിംഗിലും തിളങ്ങി എന്നതാണ് ക്രിക്കറ്റ് പ്രേമികളുടെ മനം കവരാന്‍ കാരണം.
ഇതിന് പിന്നാലെയാണ് ഒരാള്‍ ഷാമ്പെയിന്‍ കുപ്പി പൊട്ടിച്ച്‌ റാഷിദിന് നല്‍കാന്‍ തുനിഞ്ഞത്. എന്നാല്‍ മദ്യകുപ്പി കണ്ട താരം ആശ്ചര്യത്തോടെ താന്‍ കുടിക്കില്ലെന്ന് ആംഗ്യം കാണിച്ചു. അദ്ദേഹം മദ്യപിക്കില്ലെന്ന് കൂട്ടത്തില്‍ ഒരാള്‍ പറയുന്നതും ദൃശ്യങ്ങളില്‍ നിന്നും വ്യക്തമാണ്. ഇസ്ലാമില്‍ നിഷിദ്ധമായതിനാലാണ് അദ്ദേഹം മദ്യം നിരസിച്ചതെന്നും താരത്തിന്റെ അടുത്ത വൃത്തങ്ങള്‍ പറഞ്ഞു. റാഷിദിന്റെ ഈ മനോഭാവത്തിന് വലിയ സ്വീകാര്യതയാണ് സോഷ്യല്‍ മീഡിയയില്‍ ലഭിച്ചിരിക്കുന്നത്.
Post Your Comments