കെവിന്റെ കൊലപാതകം; പിടിയിലായവരുടെ അറസ്റ്റ് രേഖപ്പെടുത്തി

കോട്ടയം: കെവിന്റെ കൊലപാതകത്തിൽ പോലീസ് പിടികൂടിയ പ്രതികളുടെ അറസ്റ്റ് രേഖപ്പെടുത്തി.
കെവിന്‍ പി. ജോസഫിന്റെ കൊലപാതകവുമായി ബന്ധപ്പെട്ട് രണ്ട് പേരെ തമിഴ്‌നാട്ടിൽ നിന്ന് പോലീസ് കഴിഞ്ഞ ദിവസം പിടികൂടിയിരുന്നു. ഇടമണ്‍ നിഷാന മന്‍സിലില്‍ നിയാസ് (23), റിയാസ് മന്‍സിലില്‍ റിയാസ് (26) എന്നിവരെയാണ് ചെങ്കോട്ടക്ക് സമീപം പാവൂര്‍ സത്രത്തില്‍നിന്ന്​ തെന്മല പൊലീസ് അറസ്​റ്റ്​ ചെയ്തത്. കേസില്‍ 13 പ്രതികളാണുള്ളതെന്ന് പൊലീസ് അറിയിച്ചു. പ്രതികളുടെ എണ്ണം കൂടാനാണ് സാധ്യത.

ALSO READ: കെവിന്റെ കൊലപാതകം; പ്രതികരണവുമായി ചെന്നിത്തല

കെവിനെ തട്ടിക്കൊണ്ടുപോകാന്‍ ഉപയോഗിച്ച കാറുകളില്‍ ഒന്ന് ഓടിച്ചത് നിയാസാണെന്ന് പൊലീസ് അറിയിച്ചു. ഡി.വൈ.എഫ്.ഐ ഇടമണ്‍ യൂണിറ്റ് സെക്രട്ടറിയാണ് നിയാസ്. അറസ്​റ്റിലായവരെ പുനലൂര്‍ പൊലീസ് സ്​റ്റേഷനിലെത്തിച്ച്‌ ചോദ്യംചെയ്തു വരുകയാണ്. നീനുവിന്റെ സഹോദരൻ ഷാനു അടക്കമുള്ളവര്‍ക്കായി പൊലീസ് അന്വേഷണം ഊര്‍ജിതമാക്കി.