കാസര്‍ഗോഡ്: സിനിമാ തിയറ്ററിലെ ശുചിമുറിയില്‍ നിന്ന് പെണ്‍കുട്ടിയുടെ ദൃശ്യം പകര്‍ത്താന്‍ ശ്രമിച്ച യുവാവ് പിടിയില്‍. കരുവളത്തെ ഷമീര്‍ (28) എന്ന യുവാവാണ് ഹോസ്ദുര്‍ഗ് പോലീസിന്റെ പിടിയിലായത്. ദൃശ്യം പകര്‍ത്താന്‍ ശ്രമിക്കുന്നത് കണ്ട് പെണ്‍കുട്ടി നിലവിളിച്ചതോടെ ഇയാൾ ഓടി രക്ഷപെടാൻ ശ്രമിച്ചെങ്കിലും സി.സി.ടി.വി ദൃശ്യങ്ങളുടെ സഹായത്തോടെ പിടികൂടുകയായിരുന്നു.
Read Also: യൂത്ത് കോണ്‍ഗ്രസ് പ്രവര്‍ത്തകര്‍ മുഖ്യമന്ത്രിയുടെ കോലം കത്തിച്ചു
മാതാപിതാക്കള്‍ക്കൊപ്പം കാഞ്ഞങ്ങാട്ടെ തീയറ്ററില്‍ എത്തിയ പെണ്‍കുട്ടി ഇന്റര്‍വെല്‍ സമയത്ത് ശുചിമുറിയില്‍ പോയപ്പോഴാണ് ഷമീര്‍ മൊബൈൽ ഫോണിൽ ദൃശ്യങ്ങൾ പകർത്താൻ ശ്രമിച്ചത്. പ്രതിക്കെതിരെ പോക്‌സോ കുറ്റം ചുമത്തിയിട്ടുണ്ട്. മുൻപ് എടപ്പാളില്‍ പെണ്‍കുട്ടിയെ രണ്ട് മണിക്കൂറോളം പീഡിപ്പിച്ച പ്രതിയെ പിടികൂടിയതും സി.സി.ടി.വി ദൃശ്യങ്ങളുടെ സഹായത്തോടെ ആയിരുന്നു.
Post Your Comments