പാലക്കാട്: ചെര്‍പ്പുളശേരിയില്‍ ഇതര സംസ്ഥാന തൊഴിലാളി കൊല്ലപ്പെട്ടു. ഉത്തര്‍പ്രദേശ് സ്വദേശി അനില്‍ ഫാഹിനയാണ് കൊല്ലപ്പെട്ടത്. ശമ്പള തർക്കത്തെ ചൊല്ലിയുള്ള തർക്കമാണ് കൊലപാതകത്തിൽ കലാശിച്ചത്. സംഭവവുമായി ബന്ധപ്പെട്ട് അനിലിന്റെ ബന്ധുകൂടിയായ ധര്‍മ്മരാജ് ഫാഹിനയെ പോലീസ് കസ്റ്റഡിയിൽ എടുത്തിട്ടുണ്ട്.
ALSO RAED:ജുവൈനല്‍ ജയിലിൽ സംഘർഷം: ഒൻപത്‌ പേർ കൊല്ലപ്പെട്ടു
ഇയാളുടെ കീഴിലായിരുന്നു അനില്‍ ജോലി ചെയ്തിരുന്നത്. ശമ്പളത്തെ ചൊല്ലി ഇരുവരും തമ്മിൽ മുൻപും തർക്കങ്ങൾ ഉണ്ടായിരുന്നു.എന്നാല്‍, ഇന്നലെ ഇരുവരും മദ്യപിച്ചെത്തുകയും ഇക്കാര്യം പറഞ്ഞ് വക്കേറ്റമുണ്ടാവുകയുമായിരുന്നു. ഇതാണ് ഒടുവിൽ അനിലിന്റെ കൊലപാതകത്തിൽ കലാശിച്ചത്. ഇവർ താമസിച്ചിരുന്ന കെട്ടിടത്തിന് മുകളിൽ നിന്നാണ് വാക്കുതർക്കം ഉണ്ടായത്. ഇതിനിടെ ധര്‍മ്മരാജ് അനിലിനെ പിടിച്ച്‌ തള്ളുകയും അയാള്‍ കെട്ടിടത്തിന് മുകളില്‍ നിന്ന് താഴെ വീണ് മരിക്കുകയുമായിരുന്നു.
Post Your Comments