നിപ്പ ബാധിച്ചത് മലേഷ്യയില്‍ നിന്ന്? മരണപ്പെട്ട സാബിത്ത് മലേഷ്യയില്‍ നിന്നെത്തിയത് കടുത്ത പനിയുമായി

കോഴിക്കോട്: കോ​ഴി​ക്കോ​ട്ടും മ​ല​പ്പു​റ​ത്തും മ​ര​ണം വി​ത​ച്ച നി​പ്പാ വൈ​റ​സെത്തിയത് മലേഷ്യയിൽ നിന്നാണെന്ന് സൂചന. ആ​ദ്യം രോ​ഗം ബാ​ധി​ച്ച് മ​രി​ച്ച പേ​രാ​മ്പ്ര ച​ങ്ങ​രോ​ത്ത് വ​ള​ച്ചു​കെ​ട്ടി​യി​ല്‍ സാ​ബി​ത്ത് മ​ലേ​ഷ്യ​യി​ൽ നിന്നെത്തിയപ്പോൾ തന്നെ രോഗലക്ഷണങ്ങൾ പ്രകടിപ്പിച്ചിരുന്നെന്നാണ് റിപ്പോർട്ട്. സാബിത്തിന്റെ പരിസരവാസികൾ തന്നെയാണ് ഇക്കാര്യം അധികൃതരെ അറിയിച്ചിരിക്കുന്നത്. സാബിത്തിന്റെ കു​ടും​ബ​വു​മാ​യി നാ​ട്ടു​കാ​ര്‍​ക്ക് അ​ധി​കം ബ​ന്ധ​മി​ല്ലാ​ത്ത​തി​നാ​ല്‍ യുവാവ് വി​ദേ​ശ​ത്താ​യി​രു​ന്നു എ​ന്നു​മാ​ത്ര​മാ​ണ് നേ​ര​ത്തെ പ​രി​സ​ര​വാ​സി​ക​ള്‍​ക്ക് അ​റി​യാ​മാ​യി​രു​ന്ന​ത്. എന്നാൽ ഇപ്പോൾ കൂടുതൽ വിവരങ്ങൾ പുറത്തുവന്നിരിക്കുകയാണ്.

Read Also: ഈ രീതിയില്‍ കുട്ടികളെ ഉയര്‍ത്തിയാല്‍ അപകടം

മ​ലേ​ഷ്യ​യി​ലാ​യി​രു​ന്ന സാ​ബി​ത്തിന് അവിടെ വെച്ചുതന്നെ പ​നി​യും ശ​ക്ത​മാ​യ വ​യ​റ് വേ​ദ​ന​യും അനുഭവപ്പെട്ടിരുന്നു. ചികിത്സ തേടിയെങ്കിലും താ​ത്കാ​ലി​ക മ​രു​ന്ന് ന​ല്‍​കി​യ​ശേ​ഷം എ​ത്ര​യും വേ​ഗം നാ​ട്ടി​ലേ​ക്ക് പോ​കാ​ന്‍ ഡോ​ക്ട​ര്‍ നി​ര്‍​ദ്ദേ​ശി​ച്ചു. തുടർന്ന് നാ​ട്ടി​ലെ​ത്തി​യ സാ​ബി​ത് പേ​രാ​മ്പ്ര താ​ലൂ​ക്ക് ആ​ശു​പ​ത്രി​യി​യി​ല്‍ ചി​കി​ത്സ തേ​ടി.​ രോഗം ഗുരുതരമായെന്ന് കണ്ടപ്പോൾ കോഴിക്കോട് മെഡിക്കൽ കോളേജിലേക്ക് മാറ്റി. കുറച്ച് ദിവസങ്ങൾക്ക് ശേഷം സാബിത്തിന്റെ സഹോദരൻ സ്വാ​ലി​ഹിലിലും രോഗലക്ഷണങ്ങൾ കണ്ടു. സ്വാ​ലി​ഹി​ന്‍റെ ര​ക്ത​പ​രി​ശോ​ധ​ന​യി​ലാ​ണ് നി​പ വൈറസിന്റെ സാനിധ്യം കണ്ടെത്തിയത്. ​

അ​പ്പോ​ഴേ​ക്കും സ്വാ​ലി​ഹി​ന്‍റെ അ​ച്ഛ​ന്‍ മൂ​സ​യ്ക്കും മൂ​സ​യു​ടെ മൂ​ത്ത സ​ഹോ​ദ​ര​ന്‍ മൊ​യ്തീ​ന്‍ ഹാ​ജി​യു​ടെ ഭാ​ര്യ മ​റി​യ​ത്തി​നും രോ​ഗം ബാ​ധി​ച്ചു. മൂവരും പിന്നീട് മരണത്തിന് കീഴടങ്ങി. മെ​ഡി​ക്ക​ല്‍​കോ​ള​ജി​ല്‍ സാ​ബി​ത്ത് ചി​കി​ത്സ​യി​ലു​ണ്ടാ​യി​രു​ന്ന​പ്പോ​ള്‍ അ​വി​ടെ ഉ​ണ്ടാ​യി​രു​ന്ന ആ​ളാ​ണ് ഇ​ന്ന​ലെ രോ​ഗം സ്ഥി​രീ​ക​രി​ച്ച ന​ഴ്സിം​ഗ് വി​ദ്യാ​ര്‍​ഥി​നി. രോ​ഗം ബാ​ധി​ച്ച​വ​രി​ല്‍ ശേ​ഷി​ക്കു​ന്ന​വ​രെ​ല്ലാം പേ​രാ​മ്പ്ര താ​ലൂ​ക്ക് ആ​ശു​പ​ത്രി, സ​ഹ​ക​ര​ണ ആ​ശു​പ​ത്രി, കോ​ഴി​ക്കോ​ട് മെ​ഡി​ക്ക​ല്‍​കോ​ളേ​ജ് എ​ന്നി​വി​ട​ങ്ങ​ളി​ല്‍ വ​ച്ച് ഇ​വ​രു​മാ​യി ബ​ന്ധ​പ്പെ​ട്ട​വ​രാ​ണ്. അതേസമയം ഇന്ന് രക്തസാമ്പിളുകളുടെ ഫലം പുറത്തുവന്നാൽ മാത്രമേ ഇക്കാര്യം സ്ഥിരീകരിക്കാൻ കഴിയൂ.