ചെങ്ങന്നൂര്‍: ഉപതിരഞ്ഞെടുപ്പിൽ ബി.ജെ.പി രണ്ടാം സ്ഥാനത്തെത്തുമെന്ന എല്‍.ഡി.എഫ് സ്ഥാനാര്‍ഥി സജി ചെറിയാന്‍റെ പ്രസ്താവനക്കെതിരെ കോടിയേരി ബാലകൃഷ്ണന്‍. എല്‍.ഡി.എഫും യു.ഡി.എഫും തമ്മിലാണ് ഉപതെരഞ്ഞെടുപ്പിലെ മത്സരമെന്ന് അദ്ദേഹം പറഞ്ഞു.
ചെങ്ങന്നൂരില്‍ കോണ്‍ഗ്രസ് ബി.ജെ.പിയുടെ പിന്തുണ തേടിയെന്നതിന്റെ തെളിവാണ് എ.കെ. ആന്‍റണിയുടെ വാക്കുകള്‍. ആര്‍.എസ്.എസ് വോട്ട് വേണ്ടെന്ന് ചെന്നിത്തലയും വേണമെന്ന് ആന്‍റണിയും പറഞ്ഞുവെന്നും കോണ്‍ഗ്രസിന്‍റേത് ആര്‍.എസ്.എസിനെ പ്രീണിപ്പിക്കുന്ന സ്ഥാനാര്‍ഥിയെന്നും കോടിയേരി ബാലകൃഷ്ണൻ ആരോപിച്ചു.
രാഷ്ട്രീയ ലക്ഷ്യത്തോടെ ആണ് ശ്രീജിത്തിന്‍റെ വീട് ത്രിപുര മുഖ്യമന്ത്രി ബിപ്ലവ് കുമാര്‍ സന്ദര്‍ശിച്ചത്. ത്രിപുരയിൽ കൊല്ലപ്പെട്ട സി.പി.എമ്മുകാരുടെ വീടുകള്‍ അദ്ദേഹം സന്ദര്‍ശിച്ചില്ല. അങ്ങനെ ചെയ്തിരുന്നുവെങ്കില്‍ ശ്രീജിത്തിന്‍റെ വീട്ടിലെ സന്ദര്‍ശനം സദുദ്ദേശപരമെന്ന് പറയാമായിരുന്നെന്നും കോടിയേരി ബാലകൃഷ്ണൻ പറഞ്ഞു.
also read ; പോലീസ് റെയിഡ് ; വൻ സ്ഫോടക വസ്തുക്കൾ കണ്ടെത്തി
Post Your Comments