കുറ്റിപ്പുറം: ആറ് വയസുകാരിയെ ക്രൂരബലാത്സംഗത്തിനിരയാക്കിയ പതിനേഴുകാരൻ അറസ്റ്റിൽ. മലപ്പുറം തവനൂരിലാണ് സംഭവം. ഒന്നാം ക്ലാസില്‍ പഠിക്കുന്ന കുട്ടിയാണ് സഹോദരതുല്യനായ ബന്ധുവിന്റെ ക്രൂരതയ്ക്കിരയായത്. കുട്ടിയെ കുളിപ്പിക്കുന്നതിനിടയില്‍ ദേഹത്തുകണ്ട പാടുകളാണ് വീട്ടുകാരില്‍ സംശയമുണ്ടാക്കിയത്. കുട്ടിയോട് ഇതേക്കുറിച്ച് ചോദിച്ചപ്പോഴാണ് വീടിനടുത്തുള്ള ബന്ധു ഉപദ്രവിച്ചതാണെന്ന് മനസ്സിലായത്.
ALSO READ: ആറ് വയസുകാരിയെ പീഡിപ്പിക്കാൻ ശ്രമിച്ച പാകിസ്ഥാൻ സ്വദേശി പിടിയിൽ
സംഭവത്തെ തുടർന്ന് വീട്ടുകാർ ചൈല്‍ഡ്‌ലൈന്‍ പ്രവര്‍ത്തകരെ വിവരമറിയിച്ചു. ചൈല്‍ഡ്‌ലൈന്‍ പ്രവര്‍ത്തകര്‍ നല്‍കിയ വിവരമനുസരിച്ച് പ്രതിയെ പൊലീസ് കസ്റ്റഡിയിലെടുത്തു. തുടർന്ന് പോലീസ് നടത്തിയ ചോദ്യംചെയ്യലിലാണ് പ്രതി കുട്ടിയെ ക്രൂരപീഡനത്തിനിരയാക്കി എന്ന് അറിഞ്ഞത്.
കുട്ടി പീഡനത്തിനിരയായെന്ന് വൈദ്യപരിശോധയിലൂടെ പോലീസ് സ്ഥിതീകരിച്ചു. പോക്‌സോ വകുപ്പ് പ്രകാരമാണ് പ്രതിക്കെതിരെ കേസെടുത്തത്
Post Your Comments