ന്യൂഡല്‍ഹി: തനിക്കെതിരെ വഞ്ചനാക്കേസ് നൽകിയ ഡോക്ടറായ ഭാര്യയെ വെടിവെച്ചുകൊല്ലാൻ ശ്രമിച്ച ഭർത്താവ് പിടിയിൽ. ഡോക്ടറെ വെടിവെച്ചു കൊല്ലാനായി ക്ലിനിക്കിലെത്തിയ മനിഷ് കൗള്‍ എന്ന വരുണ്‍ കൗളാണ് പിടിയിലായത്. ഡല്‍ഹി, മഹാരാഷ്ട്ര, ഗോവ എന്നിവിടങ്ങളില്‍ ഇയാൾക്കെതിരെ വഞ്ചനാ കേസുകള്‍ നിലനിൽക്കുന്നുണ്ട്. താന്‍ വൈവാഹിക വെബ്സൈറ്റിലൂടെയാണ് വരുണ്‍ കൗളിനെ പരിചയപ്പെടുന്നതെന്നും അതില്‍ എം.ബി.ബി.എസ് പഠിച്ച ഡോക്ടറാണ് താനെന്ന് പറഞ്ഞ് തെറ്റിദ്ധരിപ്പിച്ചാണ് വിവാഹം കഴിച്ചതെന്നായിരുന്നു വരുണിന്റെ ഭാര്യ പരാതി നൽകിയത്.
Read Also: കൊലയാളി വൈറസ്: സ്വീകരിക്കേണ്ട മുന്‍കരുതലുകള്‍
തനിക്കെതിരെ ഭാര്യ പരാതി നല്‍കിയതില്‍ കോപാകുലനായ വരുണ്‍ കൗള്‍ തോക്കുമായി വെള്ളിയാഴ്ചയാണ് പശ്ചിമ ഡല്‍ഹിയിലെ മാനസരോവറിലുള്ള ക്ലിനിക്കിലെത്തിയത്. കൗളിന്റെ ഭാര്യ ഈ സമയം അവിടെ ഇല്ലായിരുന്നു. തുടർന്ന് കൗൾ തോക്ക് ഉപയോഗിച്ച് ക്ലിനിക്കിലെ ഒരു ജീവനക്കാരനെ ഭീഷണിപ്പെടുത്തി. പൊലീസെത്തിയപ്പോള്‍ ഇയാള്‍ നിറയൊഴിക്കാന്‍ ശ്രമിച്ചു. ചെറിയ ഏറ്റുമുട്ടലിന് ശേഷമാണ് ഇയാളെ കീഴടക്കിയത്.
Post Your Comments