ന്യൂഡൽഹി: ഒന്നര വയസുകാരിയെ പീഡിപ്പിക്കാൻ ശ്രമിച്ച 46 കാരൻ അറസ്റ്റിൽ. വടക്കുപടിഞ്ഞാറൻ ഡൽഹിയിലെ മൗഞ്പൂരിലാണ് സംഭവം. കുട്ടിയും ചായക്കടക്കാരനായ പ്രതിയും ഒരേ ഫ്ളാറ്റിലെ താമസക്കാരായിരുന്നു. വെള്ളിയാഴ്ച കുട്ടി വീട്ടിൽ ഒറ്റയ്ക്കാണെന്ന് മനസിലാക്കിയ പ്രതി വീട്ടിൽ കടന്നു കയറുകയും കുട്ടിയെ തെറ്റായ രീതിയിൽ സ്പർശിക്കുകയുമായിരുന്നു.
ALSO READ: പെരുമ്പാവൂരിൽ പതിമൂന്നുകാരിയെ പീഡിപ്പിക്കാൻ ശ്രമം; പ്രതി പിടിയിൽ
കുട്ടി കരഞ്ഞതിനെ തുടർന്നാണ് വീട്ടുകാർ വിവരമറിഞ്ഞത്. കുട്ടിയുടെ കരച്ചിൽ കേട്ട് ഓടിയെത്തിയ അമ്മ പ്രതിയെ കുഞ്ഞിനരികിൽ കണ്ടിരുന്നു. ഇവർ ബഹളം വെച്ചതിനെ തുടർന്ന് പ്രതി വീട്ടിൽ നിന്നും ഇറങ്ങി ഓടിയെങ്കിലും നാട്ടുകാർ ഇയാളെ പിടികൂടുകയായിരുന്നു. കുട്ടിയുടെ മാതാപിതാക്കളുടെ പരാതിയെ തുടർന്ന് പ്രതിക്കെതിരെ കേസെടുത്ത് കോടതിയിൽ ഹാജരാക്കി.
Post Your Comments