യാത്രാ വിമാനം തകര്‍ന്നു വീണു: വിമാനത്തില്‍ നൂറിലേറെ യാത്രക്കാര്‍

ഹവാന•ക്യൂബയിലെ ഹവാനയില്‍ യാത്ര വിമാനം തകര്‍ന്നുവീണതായി ക്യൂബന്‍ സര്‍ക്കാര്‍ ടെലിവിഷന്‍ റിപ്പോര്‍ട്ട് ചെയ്യുന്നു. ഹവാന ജോസ് മാര്‍ട്ടി അന്താരാഷ്ട്ര വിമാനത്താവളത്തില്‍ നിന്ന് പറന്നുയര്‍ന്നയുടനെയാണ് വിമാനം തകര്‍ന്നുവീണത്. ബോയിംഗ് 737 വിമാനത്തില്‍ 107 ഓളം യാത്രക്കാരാണ് ഉണ്ടായിരുന്നത്.

ക്യൂബന്‍ വിമാനക്കമ്പനിയായ ക്യൂബാനയുടെ വിമാനമാണ് തകര്‍ന്നത്. പ്രാദേശിക സമയം ഉച്ചയ്ക്ക് 12.30 ഓടെ പറന്നുയര്‍ന്ന വിമാനം താഴേക്ക് പതിച്ച് കത്തിയമരുകയായിരുന്നു. തകര്‍ന്നുവീണ വിമാനത്തില്‍ നിന്ന് കറുത്ത പുക ഉയരുന്ന ദൃശ്യങ്ങള്‍ പുറത്ത് വന്നിട്ടുണ്ട്.

ക്യൂബന്‍ നഗരമായ ഹോള്‍ഗ്വിനിലേക്ക് പറക്കുകയായിരുന്നു വിമാനമെന്ന് റിപ്പോര്‍ട്ടുകള്‍ പറയുന്നു. അപകടത്തില്‍ ആര്‍ക്കെങ്കിലും ജീവഹാനിയോ പരിക്കോ സംഭവിച്ചോ എന്നുള്ള യാതൊരു വിവരങ്ങളും അധികൃതര്‍ പുറത്തുവിട്ടിട്ടില്ല.

 

A Cubana Airlines Boeing 737 with more than 100 passengers has crashed soon after takeoff from Havana airport according to reports from Cuban State Media. #Cuba pic.twitter.com/T9eztNfzsY

— Andrew Collins (@ACollinsPhoto) May 18, 2018