ജയ്പൂര്‍: ഇഷ്ടനമ്പര്‍ സ്വന്തമാക്കാൻ ജയ്‌പൂർ വ്യവസായിയായ രാഹുല്‍ തനേജ ചെലവാക്കിയത് 16 ലക്ഷം രൂപ. തന്റെ പുതിയ ആഢംബര വാഹനമായ ജാഗ്വറിന് ആര്‍.ജെ 45 സി.ജി 0001 എന്ന നമ്പർ ലഭിക്കാനാണ് രാഹുൽ ഇത്രയും തുക ചെലവാക്കിയത്. ഇത് ആദ്യമായല്ല ഇൗ 37കാരന്‍ ഇഷ്ട നമ്പറിനു വേണ്ടി ഇത്രയും വലിയ തുക മുടക്കുന്നത്. തന്റെ ആദ്യ ആഢംബര വാഹനമായ ബി.എം.ഡബ്ല്യൂ 5 സീരീസിന് ആര്‍.ജെ.14 സി.പി 0001 എന്ന നമ്പർ ലഭിക്കാനായി 10.31 ലക്ഷം രൂപയാണ് രാഹുൽ മുടക്കിയത്.
രജിസ്ട്രേഷന്‍ നമ്പര്‍ ആര്‍.ജെ 20 സി.ബി 0001 ആയതുകൊണ്ടു മാത്രമാണ് തന്റെ രണ്ടാമത്തെ കാറായ സ്കോഡ ലൗറ വാങ്ങിയത്. ഒന്ന് എന്ന നമ്പറിനോടുള്ള ഇഷ്ടം കൊണ്ട് തന്റെ മൊബൈല്‍ നമ്പറിലും രാഹുല്‍ അഞ്ച് ‘ഒന്നുകള്‍’ ഉള്‍പ്പെടുത്തിയിട്ടുണ്ട്. ഇവന്‍റ് മാനേജ്മെന്റ് കമ്പനി നടത്തുകയാണ് രാഹുല്‍ തനേജ.
Post Your Comments