വിദ്യാര്‍ഥികളെ കാണാനില്ലെന്ന് ബന്ധുക്കളുടെപരാതി; തങ്ങളെ ലൈംഗികമായി പീഡിപ്പിച്ചെന്നു കുട്ടികള്‍ കോടതിയില്‍

കൊച്ചി: ബന്ധുക്കൾ നൽകിയ ഹേബിയസ് കോര്‍പസിന്റെ അടിസ്ഥാനത്തിൽ കോടതിയിൽ ഹാജരായ പെൺകുട്ടികൾ നൽകിയ മൊഴി കേട്ട് ഏവരും ഞെട്ടി. എറണാകുളം സ്വദേശിനികളായ വിദ്യാര്‍ഥിനികളെ കാണാനില്ലെന്ന് പറഞ്ഞാണ് ബന്ധുക്കള്‍ ഹേബിയസ് കോര്‍പസ് നൽകിയത്. തുടർന്ന് മൂന്ന് പെൺകുട്ടികൾ
ഇന്നലെ ഹൈക്കോടതിയില്‍ ഹാജരായി. ബന്ധുക്കൾ തങ്ങളെ പീഡനത്തിനിരയാക്കിയിരുന്നതായി പെൺകുട്ടികൾ കോടതിയിൽ പറഞ്ഞു. സംഭവത്തിൽ കേസെടുത്തെങ്കിലും പ്രതികളുടെ കാര്യത്തില്‍ വ്യക്തതയില്ലെന്നാണ് പൊലീസിന്റെ വാദം. കൂടുതല്‍ അന്വേഷണം നടത്തണമെന്നും പൊലീസ് പറഞ്ഞു.

ALSO READ: കാണാതായ ആറുവയസുകാരനെ ക്രൂര പീഡനത്തിനിരയാക്കി ദാരുണമായി കൊലപ്പെടുത്തി

പെൺകുട്ടികളുടെ മൊഴിയുടെ അടിസ്ഥാനത്തിൽ പ്രതികൾക്കെതിരെ പോക്സോ പ്രകാരം സെന്‍ട്രല്‍ പൊലീസ് കേസെടുത്തു. പ്രതികൾ പെൺകുട്ടികളെ സ്‌കൂളില്‍നിന്നു പുറത്തേക്കു വിളിച്ചുകൊണ്ടുപോയി പീഡിപ്പിച്ചുവെന്നാണു പരാതി. മൂന്നു പേരെയും വൈദ്യപരിശോധനയ്ക്കു വിധേയരാക്കിയശേഷം, കോടതിയുടെ നിര്‍ദ്ദേശപ്രകാരം ഇവരുടെ കൂട്ടുകാരിയുടെ വീട്ടിലേക്കു മാറ്റി.