കര്‍ണാടക: കര്‍ണാടക തെരഞ്ഞെടുപ്പില്‍ സിപിഎമ്മിനെ പരിഹസിച്ച് ബിജെപി സംസ്ഥാന സെക്രട്ടറി കെ സുരേന്ദ്രന്‍. ഫെയ്‌സ്ബുക്ക് പോസ്റ്റിലൂടെയാണ് അദ്ദേഹം സിപിഎമ്മിനെ പരിഹസിച്ചത്. അദ്ദേഹത്തിന്റെ ഫെയ്‌സ്ബുക്ക് പോസ്റ്റ് ഇങ്ങനെ,
കര്‍ണ്ണാടകയില്‍ നോട്ടക്ക് ഒരു ലക്ഷത്തി എഴുപത്താറായിരത്തി എണ്ണൂറ്റി ഇരുപത്തെട്ട് വോട്ട് കിട്ടിയപ്പോള്‍ നമ്മുടെ സി. പി. എമ്മിനു കിട്ടിയത് 49700 വോട്ടുമാത്രം. കേരളത്തില്‍ ബി. ജെ. പിക്ക് ഒരു മണ്ഡലത്തില്‍ മാത്രം അറുപതിനായിരത്തിലേറെ വോട്ടുകിട്ടിയിട്ടുണ്ട്. എന്നാലും ചാനലില്‍ വന്നിരുന്ന് ബി. ജെ. പിക്കും മോദിക്കുമെതിരെ ഗിരിപ്രഭാഷണം നടത്താന്‍ നേതാക്കള്‍ക്ക് ഒരു ജാള്യതയുമില്ല താനും. മുഖ്യമന്ത്രി പറയുന്നത് പ്രതീക്ഷിച്ച ഫലമല്ല പോലും പുറത്തുവന്നതെന്നാണ്.
പറഞ്ഞുപറഞ്ഞു സിംഹവാലന്‍ കുരങ്ങിന്റെ അവസ്ഥയിലായി സി. പി. എം. എന്നാലും തള്ളിന് ഒരു കുറവുമില്ല. അടുത്ത നിയമസഭാ തെരഞ്ഞെടുപ്പോടെ ഇവിടെയും കഥ കഴിയും. ഇനിയിപ്പോ കുമാരസ്വാമിയും കോണ്‍ഗ്രസ്സും കൂടിയുണ്ടാക്കാന്‍ പോകുന്ന അവിഹിത കൂട്ടുകെട്ടിന്റെ പിന്നിലും തങ്ങളുടെ ബുദ്ധിയാണെന്നും പറഞ്ഞുവരും സൈബര്‍ സഖാക്കള്‍. വെറും എട്ടുകാലി മമ്മൂഞ്ഞുകള്‍.
Post Your Comments