ബല്ലാരി: വോട്ട് രേഖപ്പെടുത്താന്‍ പോകുന്നതിന് മുന്‍പ് വിജയത്തിനായി ഗോപൂജ ചെയ്ത് ബിജെപി സ്ഥാനാര്‍ത്ഥി ബി ശ്രീരാമലു. മഞ്ഞള്‍ കൊണ്ട അഭിഷേകം ചെയ്ത ഗോമാതാവിന് ആചാര പ്രകാരമുള്ള എല്ലാ ചടങ്ങുകളും ചെയ്ത ശേഷം മാത്രമാണ് അദ്ദേഹം വോട്ട് രേഖപ്പെടുത്താന്‍ ഇറങ്ങിയത്. മുഖ്യമന്ത്രി സിദ്ധരാമയ്യയ്‌ക്കെതിരെയാണ് 46 കാരനായ എംപി ശ്രീരമാലു മത്സരിക്കുന്നത്. സിദ്ധരാമയ്യയ്‌ക്കെതിരെ ബഡാമി മണ്ഡലത്തില്‍ മത്സരിക്കുന്നതിന് പുറമേ ബല്ലാരിയിലെ മൊലക്കല്‍മുരുവില്‍ നിന്നും ശ്രീരമാലു വിധി തേടുന്നുണ്ട്.
റെഡ്ഡി സഹോദരന്‍മാര്‍ക്ക് സുപ്രീം കോടതിയില്‍ നിന്നും അനുകൂലവിധി സമ്പാദിക്കുന്നതിനായി ബിജെപി നേതാവ് ശ്രീരമലു 160 കോടി രൂപ വാഗ്ദാനം ചെയ്യുന്നു എന്നാരോപിക്കുന്ന വീഡിയോ ഇതിനിടെ ആരോ പുറത്തു വിട്ടിരുന്നു. എന്നാൽ ആ വീഡിയോ വ്യാജമാണെന്നാണ് ബിജെപി വൃത്തങ്ങളുടെ ആരോപണം.
Post Your Comments